23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Հրանտ-Լեոն Ռանոսը 2 գոլային փոխանցում է կատարել․ ՏԵՍԱՆՅՈՒԹ
10.11.2025 | 12:58
Հայաստանի ազգային հավաքականի հարձակվող Հրանտ-Լեոն Ռանոսի 2 գոլային փոխանցումները Մյոնխենգլադբախի «Բորուսիայի» երկրորդ թիմին օգնել են Ռեգիոնալ լիգայի (Գերմանիայի չորրորդ լիգա) 14-րդ տուրում 2։0 հաշվով հաղթել «Բոհալտին»։
22-ամյա ֆուտբոլիստը մեկնարկային կազմում անցկացրել է ամբողջ հանդիպումը և 2 ասիստ գրանցել առաջին խաղակեսում։ Խաղի սկզբնամասում հայ հարձակվողը նաև գրավել է մրցակցի դարպասը, սակայն գոլը չի արձանագրվել խաղից դուրս վիճակի պատճառով։
Հրանտ-Լեոն Ռանոսը «Բորուսիայի» երկրորդ թիմի կազմում այս մրցաշրջանում անցկացրել է 3 խաղ, խփել 2 գոլ ու կատարել 4 ասիստ։ Գերմանիայի Բունդեսլիգայի ընթացիկ մրցաշրջանում Ռանոսը մասնակցել է 5 հանդիպման ու դարձել 1 գոլի հեղինակ։ Առաջնության նախորդ 5 խաղում նա չի ընդգրկվել «Բորուսիայի» գլխավոր թիմի հայտացուցակում։
Նոյեմբերի 10-ին Հրանտ-Լեոն Ռանոսը կմիանա Հայաստանի հավաքականին և կսկսի պատրաստվել Հունգարիայի (նոյեմբերի 13) և Պորտուգալիայի (նոյեմբերի 16) թիմերի դեմ ԱԱ-2026-ի ընտրական մրցաշարի F խմբի հանդիպումներին։
