Ֆուտբոլի Հայաստանի Fastex Պրեմիեր լիգայում կայացել են 13-րդ տուրի հանդիպումները։
«Ալաշկերտը» սեփական խաղադաշտում 2։0 հաշվով հաղթել է ԲԿՄԱ-ին և միավորներով հավասարվել առաջատար «Արարատ-Արմենիային», որը 1։1 հաշվով է ավարտել «Ուրարտուի» դեմ արտագնա հանդիպումը։ «Ուրարտուի» կազմում հերթական գոլն է խփել բրազիլացի հարձակվող Բրունո Միշելը, որը 11 գոլով միանձնյա գլխավորում է ռմբարկուների ցուցակը։
Տուրի կենտրոնական խաղերից մեկը «Նոայի» և «Փյունիկի» միջև հետաձգվել է։
«Արարատ-Արմենիան» 12 խաղից հետո 28 միավորով գլխավորում է մրցաշարային աղյուսակը։ 13 հանդիպում անցկացրած «Ալաշկերտը» նույնքան միավորով երկրորդն է, իսկ եռյակը եզրափակող «Ուրարտուն» 13 խաղում վաստակել է 28 միավոր։ Լավագույն հնգյակում են նաև «Փյունիկը» (11 խաղ, 22 միավոր) և «Նոան» (11 խաղ, 21 միավոր)։
Հայաստանի առաջնություն, 13-րդ տուր
«Արարատ-Արմենիա» – «Ուրարտու»` 1-1
Ժոաո Մարկոս, 37 (11մ) – Բրունո Միշել, 88 (11մ)
«Ալաշկերտ» – ԲԿՄԱ` 2-0
Կաջալի Դրամե 58, Օլավալե Ֆառայոլա, 74
«Վան» – «Գանձասար»` 2-1
Ջեֆերսոն Գրանադո, 60, Ժոնատաս Սանտոս, 73 – Պետրոս Ավետիսյան, 43
Հեռացում` Ժոնատաս Սանտոս, 81 («Վան»)
«Արարատ» – «Շիրակ»՝ 0։0
