22.04.2026 | 19:38
«Երևանի գինու օրերը» և խորհրդարանական ընտրությունները կհամընկնեն․ ինչո՞ւ փառատոնի օրերը չեն փոխվել
Մինչև տարեվերջ բանակցային թղթերը կհրապարակվեն․ Նիկոլ Փաշինյան
Քաղաքականություն
10.11.2025 | 10:30
ՀՀ վարչապետ Նիկոլ Փաշինյանը գրառմամբ պատասխանել է ՀՀ 2-րդ ու 3-րդ նախագահների՝ ասուլիսներում հնչեցրած հարցերին, մասնավորապես նշելով, որ նրանց «վերջին օրերի հայտարարությունները վերահաստատում են այն, որ Ղարաբաղի հարցը հայտնի ուժերի ձեռքին եղել է թոկ Հայաստանի Հանրապետությունը «մոտակա ծառից» կապելու համար։ Իսկ բանակցային բոլոր գործընթացներն ու առաջարկները եղել են թոկը կարճացնելու մասին։ Թոկը կարճացնելու այս պրոցեսի վերջնանպատակը եղել է Հայաստանի պետականությանը վերջ դնելը։ Այդ սցենարում Ղարաբաղի կոնֆլիկտը պետք է ավարտվեր միայն ու միայն Հայաստանի պետականության կորստով»։
Փաշինյանը ևս մեկ անգամ վերահաստատել է, որ «մինչև տարեվերջ բանակցային թղթերը կհրապարակվեն և դա ավելի տեսանելի կդառնա»։
Հիշեցնենք, որ վարչապետը ուղիղ եթերում բանավեճի էր հրավիրել Հայաստանի Հանրապետության երեք նախագահներին՝ Լևոն Տեր-Պետրոսյանին, Ռոբերտ Քոչարյանին ու Սերժ Սարգսյանին, սակայն հրավերը երեքի կողմից էլ մերժվել էր։
