28.04.2026 | 15:53
Կանադայի վարչապետը կմասնակցի Երևանում Եվրոպական քաղաքական համայնքի գագաթնաժողովին. հայտնի է՝ որ երկրներն են հրավիրված
Քննարկվել են հայ-իրանական համագործակցության խորացման և զբոսաշրջային հոսքերի ավելացման հնարավորությունները
Քաղաքականություն
09.11.2025 | 18:53
Սաուդյան Արաբիայում ՄԱԿ Զբոսաշրջության համաշխարհային կազմակերպության Գլխավոր ասամբլեայի 26-րդ նիստի շրջանակում ՀՀ էկոնոմիկայի նախարար Գևորգ Պապոյանը հանդիպել է Իրանի մշակութային ժառանգության, զբոսաշրջության և ձեռարվեստի նախարար Սեյեդ Ռեզա Սալեհի Ամիրիի հետ․ կողմերը քննարկել են հայ-իրանական համագործակցության խորացման և զբոսաշրջային հոսքերի ավելացման հնարավորությունները։ Այս մասին տեղեկացնում են ՀՀ էկոնոմիկայի նախարարությունից։
Գևորգ Պապոյանը նշել է, որ Հայաստանը կարևորում է Իրանի հետ դարավոր համագործակցության արդյունքում ձևավորված սերտ համագործակցությունը։
«Զրուցակիցները քննարկել են երկու երկրների միջև առկա հարաբերությունների ընդլայնմանը վերաբերող հարցեր, այդ թվում՝ զբոսաշրջության ոլորտում փոխգործակցության հեռանկարները, երկու երկրների մշակութային հարուստ ժառանգության և զբոսաշրջային մեծ ներուժի վերաբերյալ ճանաչելիության բարձրացմանը, զբոսաշրջային հոսքերի ավելացմանը վերաբերող մի շարք թեմաներ»,- ասված է հաղորդագրությունում։
