28.04.2026 | 17:17
Վահագն Խաչատուրյանն ընդունել է Էստոնիայի Ռիյգիկոգուի Էստոնիա-Հայաստան խորհրդարանական բարեկամական խմբի անդամներին
Հայաստան–Կոնգո դիվանագիտական հանդիպում․ քննարկվել են համագործակցության ընդլայնման և COP17-ի պատրաստությունների հարցեր
Քաղաքականություն
08.11.2025 | 16:59
COP30 առաջնորդների գագաթնաժողովի շրջանակներում ՀՀ ԱԳ նախարարի տեղակալ Ռոբերտ Աբիսողոմոնյանը հանդիպել է Կոնգոյի Դեմոկրատական Հանրապետության ԱԳ նախարարի տեղակալ Նոելլա Այեգանագատո Նակուիպոնեի հետ․ կողմերը քննարկել են բազմակողմ հարթակներում համագործակցության ընդլայնման հնարավորությունները և անդրադարձել Հայաստանում կայանալիք COP17 համաժողովի նախապատրաստական աշխատանքներին։ Այս մասին տեղեկացնում են ՀՀ ԱԳՆ-ից։
«Զրուցակիցները մտքեր են փոխանակել բազմակողմ հարթակներում և միջազգային կազմակերպությունների շրջանակներում ՀՀ և ԿԴՀ միջև համագործակցության ընդլայնման հեռանկարների շուրջ:
ՀՀ ԱԳ նախարարի տեղակալն անդրադարձ է կատարել 2026թ. Հայաստանի կողմից հյուրընկալվող Կենսաբանական բազմազանության մասին կոնվենցիայի կողմերի 17-րդ համաժողովին (COP17)՝ ներկայացնելով ՀՀ տեսլականը՝ ուղղված առավել ներառական Համաժողովի անցկացմանը։ Ընդգծվել է բոլոր շահագրգիռ կողմերի ներգրավվածության կարևորությունը կենսաբազմազանությանն առնչվող մարտահրավերների հասցրեագրման գործում»,- ասված է հաղորդագրությունում։
