31.10.2026 | 17:52
Վանաձորում վթարի է ենթարկվել շտապօգնության մեքենա
ՀՀ-ն և Հնդկաստանը առողջապահության ոլորտում համագործակցության համաձայնագիր են ստորագրել
07.11.2025 | 19:34
Հայաստանը և Հնդկաստանը ստորագրել են համագործակցության համաձայնագիր առողջապահության և բժշկագիտության ոլորտներում, որը նախատեսում է փորձի փոխանակում, մասնագետների վերապատրաստում, դեղագործության և թվային առողջապահության զարգացում, ինչպես նաև համատեղ ծրագրեր արտակարգ իրավիճակներում արձագանքման ուղղությամբ։ Այս մասին տեղեկացնում են ՀՀ առողջապահության նախարարությունից։
«Փաստաթղթի շրջանակում կողմերը համագործակցելու են դեղագործության, դեղերի, բժշկական սարքավորումների ձեռքբերման, առողջապահության ոլորտի մասնագետների վերապատրաստման, փորձի և գիտելիքների փոխանակման, արտակարգ իրավիճակներում բժշկական արձագանքման և փոխօգնության կազմակերպման, թվային առողջապահության, այդ թվում՝ հեռաբժշկության, բժշկական զբոսաշրջության, հիվանդությունների կանխարգելման և վերահսկման, ինչպես նաև փոխադարձ հետաքրքրություն ներկայացնող այլ ուղղություներով։
Հայկական կողմից հմաձայնագիրը ստորագրել է ՀՀ առողջապահության նախարարի առաջին տեղակալ Լենա Նանուշյանը, իսկ հնդկական կողմից՝ ՀՀ-ում Հնդկաստանի դեսպան Նիլակշի Սահա Սինհան»,- ասված է հաղորդագրությունում։
