16.11.2024 | 12:34
Վահագն Խաչատուրյանը ԿԽՄԿ նախագահի հետ քննարկել է գերիներին և անհետ կորածների հարցեր
Տարածաշրջան Բոլթոնի այցի հիմնական թիրախն Ադրբեջանն էր. Ռուբեն Սաֆրաստյան. ՏԵՍԱՆՅՈՒԹ
Քաղաքականություն
30.10.2018 | 13:44
ԱՄՆ նախագահի ազգային անվտանգության հարցերով խորհրդական Ջոն Բոլթոնի՝ տարածաշրջան այցի հիմնական թիրախն Ադրբեջանն էր: Այսօր՝ հոկտեմբերի 30-ին, լրագրողների հետ հանդիպմանը նման կարծիք հայտնեց ՀՀ ԳԱԱ Արևելագիտության ինստիտուտի տնօրեն Ռուբեն Սաֆրաստյանը:
«Վրաստանի հետ ամեն ինչ, կարծես, պարզ է: Վրաստանի արտաքին քաղաքական ռազմավարությունը հստակ է, այն դեպի Արևմուտք է ուղղված: Հայաստանի նկատմամբ ամերիկյան ներկայիս վարչակազմի որոշում, կարծում եմ, դեռ հստակ գոյություն չունի. հիմնականում շարունակվում է այն գիծը, որն ԱՄՆ-ն որդեգրել է դեռևս մեր անկախության օրերից: Դա շատ բարյացակամ, դրական, բարեկամական վերաբերմունք է»,- նշեց Ռուբեն Սաֆրաստյանը:
Նա, միաժամանակ, հավելեց, որ այդ մոտեցման մեջ նոր երանգներ կան՝ կապված Հայաստանում տեղի ունեցած հեղափոխության հետ. «Ակնհայտ է, որ հայաստանյան իրադարձությունները դրական ընկալվեցին ԱՄՆ-ի կողմից, և ես կարծում եմ, որ այս դրական մոտեցումը կարող է հանգեցնել ընդհանուր մթնոլորտի որոշակի դրական փոփոխության: Դա կախված կլինի նաև խորհրդարանական ընտրությունների ելքից»:
Ինչ վերաբերում է ԱՄՆ Կոնգրեսի կողմից ընդունված հայտնի 907 բանաձևին, որով արգելվում է զենքի վաճառքն Ադրբեջանին. Ռուբեն Սաֆրաստյանի խոսքով՝ սա Դոնալդ Թրամփի վարչակազմի դիրքորոշումը հասկանալու բանալին է: «Եթե Թրամփի վարչակազմը կտրուկ քայլեր ձեռնարկի այս բանաձևը չեղյալ հայտարարելու ուղղությամբ, դա կնշանակի, որ նա սկսում է լայնածավալ զենքի առաքում Ադրբեջանին, որը վաղուց է ցանկանում ամերիկյան զենք ունենալ: Բայց Ջոն Բոլթոնը չուներ դեռ հստակ դիրքորոշում այդ խնդրի ուղղությամբ: Կարծում եմ՝ այս հարցը դեռ քննարկումների փուլում է»,- հավելեց բանախոսը:
Մանրամասները՝ տեսանյութում
