21.01.2026 | 23:30
Ինչ իրավիճակ է Հայաստանի ճանապարհներին և Լարսում
Սա զգուշացում էր և ուղերձ ԱՄՆ-ին. Էրդողանի խորհրդականը՝ Սիրիայի քրդերի դեմ իրականացրած նոր օպերացիայի մասին
Քաղաքականություն
30.10.2018 | 12:38
Թուրքիայի նախագահ Ռեջեփ Թայիփ Էրդողանի գլխավոր խորհրդական Իլնուր Չևիքը մեկնաբանել է Թուրքիայի զինված ուժերի կողմից Սիրիայի քրդական ուժերի դեմ իրականացրած ռազմական գործողությունը. փոխանցում է ermenihaber-ը:
Նախօրեին Թուրքիայի զինուժը գնդակոծել էր Սիրիայի Եփրատ գետի արևելյան հատվածում գտնվող Զոր Մաղար շրջանը, որտեղ քրդական կողմը ուներ մի շարք հենակետեր։
Գնդակոծության վերաբերյալ Չևիքը թուրքական «Yeni Birlik» թերթում հոդված է հրապարակել, որում պարզաբանվում է թուրքական զինուժի գործողությունների նպատակը:
Չևիքը, հիշեցնելով գնդակոծությունից առաջ Թուրքիայի նախագահի այն հայտարարությունը, թե թուրքական կողմը վերացնելու է Սիրիայի քուրդ «ահաբեկիչներին», գրել է. «Սա զգուշացում էր և ուղերձ ԱՄՆ-ին, ով չի ստիպում, որ Սիրիայի քրդական ուժերը լքեն Մանբիչ քաղաքը, որտեղ նրանք ամրանդվել են։ Սիրիայի քրդական ուժերը Եփրատ գետի արևելյան հատվածում վտանգ են ներկայացնում Սիրիայի տարածքային ամբողջականության համար, և ԱՄՆ-ը այդ ամենի վրա աչք է փակում։ Այս ամենից անհանգստացած են նաև Ռուսաստանը և Իրանը։ Թուրքիան նման ուղերձներ հղեց նաև Սիրիայի Աֆրին շրջանի հետ կապված, որից հետո այնտեղ արեց այն, ինչ-որ անհրաժեշտ էր։ Այժմ մեր հայացքն ուղղել ենք Մանբիչ և Եփրատ գետի արևելյան հատված»։
