13.11.2024 | 23:28
Էրդողանը Թրամփի հետ հանդիպման հույս է հայտնել և խոսել Մասկի հետ համագործակցելու ցանկության մասին
«Կցանկանայի նախագահ դառնալ». Հիլարի Քլինթոն
Քաղաքականություն
30.10.2018 | 12:23
ԱՄՆ նախկին պետքարտուղար Հիլարի Քլինթոնը չի բացառում, որ 2020 թվականին կառաջադրվի նախագահի պաշտոնում, հայտնում է CBS News-ը:
Հարցին՝ արդյո՞ք 2020 թվականին կցանկանար նախագահ դառնալ, Քլինթոնը նախ բացասական պատասխան է տվել, սակայն կարճ ժամանակ անց փոխել է միտքը: «Իրականում կցանկանայի նախագահ դառնալ»,- «Recode Decode» հաղորդման ժամանակ անկեղծացել է Քլինթոնը:
Նա հայտարարել է, որ իր ուժերի սահմաններում ամեն ինչ կանի, որպեսզի 2021 թվականին Սպիտակ տունը դեմոկրատ ղեկավար ունենա:
Հարցին՝ ի՞նչ է անելու դրա համար, Քլինթոնը պատասխանել է. «Ես գաղափար անգամ չունեմ: Այդ մասին չեմ էլ մտածում, այնուամենայնիվ, Սենատում գտնվելու ութ տարիներն ինձ մեծ փորձառություն են տվել»:
Նշենք, որ Հիլարի Քլինթոնը նախագահի թեկնածու էր առաջադրվել նաև 2016 թվականի ընտրություններում, սակայն պարտվեց հանրապետական Դոնալդ Թրամփին, թեև մինչ ընտրությունները լրատվամիջոցներն ու սոցիոլոգները գրեթե միաձայն Քլինթոնի հաղթանակն էին կանխատեսում:
