09.06.2026 | 15:28
ՀՀ-ն հույսը պետք է դնի իր ՀՕՊ-ի վրա. Ասրյանը` ՌԴ-ի հետ միացյալ պաշտպանությունից դուրս գալու մասին․ ՏԵՍԱՆՅՈՒԹ
Սերժ Սարգսյանի խափանման միջոցի հարցով նիստը հետաձգվեց․ ՏԵՍԱՆՅՈՒԹ
Հասարակություն
05.11.2025 | 15:15
Հակակոռուպցիոն դատարանում Սերժ Սարգսյանի գործով նշանակված դատական նիստը հետաձգվեց առանց բացվելու: Սերժ Սարգսյանը եկավ դատարանի բակ, սակայն, տեղեկանալով, որ նիստը չի կայանալու, գնաց:
Նրա պաշտպան Ռուբեն Հակոբյանը լրագրողների հետ զրույցում ասաց, որ անձնական պատճառներով դատավոր Արամ Գրիգորյանը բացակայում է աշխատանքից, թե երբ դատավորը կվերադառնա աշխատանքի, դեռևս հայտնի չէ:
Նշենք, որ այսօր աավելի վաղ Սարգսյանի նկատմամբ բացակայելու արգելք խափանման միջոց կիրառելու հարցով նիստ էր նշանակվել նաև դատավոր Գիվի Հովհաննիսյանի վարույթում, և դատավորը, քննելով միջնորդությունը, մերժել էր այն:
Հիշեցնենք, որ Սարգսյանի վերաբերյալ Հակակոռուպցիոն դատարանում քննվող 2 գործերով դատավորները վերացրել են նրա նկատմամբ ընտրված խափանման միջոց բացակայելու արգելքը, որից հետո Դատախազությունը դիմել է դատարաններին՝ հայտնելով, թե օպերատիվ տվյալներ են ստացել այն մասին, որ Սարգսյանը պատրաստվում էր լքել Հայաստանը և աայդ պատճառով միջնորդել են նրա նկատմամբ կրկին խափանման միջոց ընտրել բացակայելու արգելքը:
Սարգսյանը լրագրողների հետ զրույցում այսօր, անդրադառնալով իր խափանման միջոցի հարցին, հայտարարել էր, որ անգամ եթե իմանա, որ իր նկատմամբ ցմահ ազատազրկման դատավճիռ է կայացվելու, չի լքի Հայաստանը:
«Սա իմ երկիրն է, իրենց երկիրը չէ, ո՞ւր պիտի փախչեմ»,- ասել էր Սարգսյանը:
Արաքս Մամուլյան
