19.08.2026 | 20:54
Վարորդական չեք ստանա, եթե ավտոդպրոց չգնաք․ ՆԳՆ-ն մտադիր է նոր կանոններ սահմանել. ՏԵՍԱՆՅՈՒԹ
Սերժ Սարգսյանի խափանման միջոցի հարցի քննությունը դռնփակ դարձավ
Հասարակություն
05.11.2025 | 12:21
Հայաստանի երրորդ նախագահ Սերժ Սարգսյանի նկատմամբ բացակայելու արգելք խափանման միջոց կիրառելու հարցի քննարկումը դռնփակ դարձավ: Նման միջնորդությամբ հանդես եկավ Սարգսյանի պաշտպան Ռուբեն Հակոբյանը՝ պատճառաբանելով, որ նիստի ընթացքում պետք է քննարկման առարկա դառնան օրենքով պահպանվող տեղեկություններ:
Հիշեցնենք, որ Սարգսյանի նկատմամբ Հակակոռուպցիոն դատարանում քննվող 2 գործերով բացակայելու արգելք խափանման միջոցը վերացվել է, որից հետո Դատախազությունը միջնորդություններ է ներկայացրել՝ նրա նկատմամբ կրկին բացակայելու արգելք կիրառելու հարցով՝ միջնորդության հիմքում դնելով այն հանգամանքը, որ Սարգսյանը պատրաստվում էր լքել Հայաստանը:
Այս պահին դատարանում քննվող գործով նախագահող դատավորը Գիվի Հովհաննիսյանն է: Սարգսյանի վերաբերյալ մյուս գործը դատավոր Արամ Գրիգորյանի վարույթում է:
Երեկ ուշ երեկոյան Գրիգորյանի վարույթում քննվող գործով ևս նիստ է նշանակվել, որը հետաձգվել է և շարունակվելու է այսօր, ժամը 14:30-ին:
Արաքս Մամուլյան
