15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Սերժ Սարգսյանի գործով արտահերթ նիստ է նշանակվել. քննվելու է նրա խափանման միջոցի հարց․ ՏԵՍԱՆՅՈՒԹ
Հասարակություն
05.11.2025 | 11:08
Հակակոռուպցիոն դատարանում Հայաստանի երրորդ նախագահ Սերժ Սարգսյանի գործով արտահերթ նիստ է նշանակվել: Իրավապահ համակարգում Factor TV-ի աղբյուրների փոխանցմամբ՝ քննարկվելու է Սերժ Սարգսյանի նկատմամբ բացակայելու արգելք խափանման միջոցի կիրառելու հարցը:
Սարգսյանի նկատմամբ Հակակոռուպցիոն դատարանում քննվող երկու գործերով բացակայելու արգելք խափանման միջոցը վերացնելու որոշումներ են կայացվել՝ դռնփակ նիստերով: Դրանից հետո Դատախազությունը դիմել է դատարան՝ հայտնելով, թե օպերատիվ տվյալներ են ստացվել, որ Սարգսյանը ցանկանում է լքել Հայաստանը և ներկայացվել են միջնորդություններ՝ նրա նկատմամբ կրկին բացակայելու արգելք խափանման միջոց կիրառելու վերաբերյալ:
Factor TV-ի տեղեկություններով՝ դռնփակ դատական նիստերի ընթացքում, որտեղ քննարկման առարկա է դարձել Սարգսյանի նկատմամբ ընտրված բացակայելու արգելք խափանման միջոցը վերացնելու հարցը, նշվել է նաև Սարգսյանի՝ Հայաստանից դուրս գալու անհրաժեշտության մասին: Իսկ թե ինչու է նման պայմաններում Դատախազությանը հայտնել, թե օպերատիվ տվյալներ ունեն Սարգսյանի՝ Հայաստանը լքելու մասին, պարզ կլինի դատական նիստի ընթացքում։
Արաքս Մամուլյան
