30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Ծառուկյան․ Գուցե դեռ կհաջողվի սուպերմենամարտ կազմակերպել Մախաչևի հետ
Հասարակություն
03.11.2025 | 23:30
UFC-ի թեթև քաշային կարգի դասակարգման երկրորդ համար Արման Ծառուկյանն անդրադարձել է կիսամիջին քաշային կարգ տեղափոխված Իսլամ Մախաչևի հետ հնարավոր մենամարտին։ 2019-ին Ծառուկյանը Սանկտ-Պետերբուրգում կայացած UFC մրցաշարում մրցավարների միաձայն որոշմամբ պարտվել է Մախաչևին, իսկ նրանց ռևանշ մենամարտը պետք է կայանար այս տարվա հունվարին, սակայն հայ մարտիկը վնասվածքի պատճառով հրաժարվել էր դուրս գալ ութանկյուն։
«Հիմա տեսնենք, թե ինչպես կզարգանան իրադարձությունները, և թե որքան է նա պատրաստվում մենամարտել։ Եթե ես հունվար-փետրվարին դառնամ UFC-ի չեմպիոն, իսկ նա չեմպիոն հռչակվի 77 կգ քաշային կարգում, գուցե դեռ կստացվի կազմակերպել սուպերմենամարտ»,- «Чемпионат»-ի հետ հարցազրույցում նշել է հայ մարտիկը։
Հիշեցնենք, որ նոյեմբերի 22-ին Արման Ծառուկյանը Դոհայում կայանալիք խառը մենամարտերի UFC մրցաշարում մենամարտելու է նորզելանդացի Դենա Հուկերի հետ։
Իսլամ Մախաչևը նոյեմբերի 16-ին Նյու-Յորքում անցկացվելիք UFC 322 մրցաշարում UFC-ի կիսամիջին քաշային կարգի չեմպիոնի տիտղոսը վիճարկելու է ավստրալացի Ջեք Դելա Մադալենայի հետ։
