12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
Թբիլիսիից դժգոհել են, թե հայ պատգամավորները միացել են Վրաստանին քննադատող Եվրանեսթի ԽՎ-ի բանաձևին
Քաղաքականություն
03.11.2025 | 17:52
Վրաստանի խորհրդարանի փոխխոսնակ Նինո Ցիլոսանին հայտարարել է, թե Եվրանեսթի Խորհրդարանական վեհաժողովի բանաձևը ստորագրել են Թբիլիսի հայտնի թշնամիները՝ Եվրախորհրդարանի անդամները, որոնք բազմիցս ընդունել են նմանատիպ բանաձևեր, հաղորդում է Վրաստանի Առաջին ալիքը։
Հոկտեմբերի 31-ին Վեհաժողովի ընդունած բանաձևում անդրադարձ կա նաև Վրաստանը։ Նշվում է, որ Վրաստանում վերջին իրադարձությունները ցույց են տվել ժողովրդավարության անկում։
Ցիլոսանիի խոսքով՝ Եվրանեսթի ԽՎ-ի բանաձևը զուրկ է բովանդակությունից։
«Ցավոք, կային հայ պատգամավորներ, որոնք, ըստ էության, անվստահություն հայտնեցին իրենց վարչապետին, քանի որ Հայաստանի վարչապետը պաշտոնապես և տարբեր այցելություններով եղել Վրաստանում, հանդիպել ժողովրդի կողմից ընտրված կառավարության հետ։ Աջակցելով այն բանաձևին, որը խոսում է վրացական կառավարության ոչ լեգիտիմության մասին, նրանք անվստահություն են հայտնում իրենց վարչապետին։ Այս փաստարկները հստակ ցույց են տալիս, թե որքան անիմաստ է բանաձևը, որը զուրկ է բովանդակությունից, դրա նպատակն է մեկ աղյուս ավելացնել՝ Վրաստանին վնասելու համար»,- հայտարարարել է Ցիլոսանին։
Հիշեցնենք, որ Վրաստանը հրաժարվել էր մասնակցել Եվրանեսթի Խորհրդարանական վեհաժողովի 12-րդ լիագումար նստաշրջանին, որն անցկացվեց Հայաստանում։
Թարգմանությունը՝ Էմմա Չոբանյանի
