Արմեն Գևորգյանի նկատմամբ քրեական հետապնդում հարուցելու համար պետք է հաղթահարել նրա անձեռնմխելիությունը. ԵԽԽՎ նախագահի նամակը․ ՏԵՍԱՆՅՈՒԹ

ԱԺ նախագահին Հայաստանի երկրորդ նախագահ Ռոբերտ Քոչարյանի և մյուսների գործով դատական նիստին այսօր պաշտպանները շարունակեցին դիրքորոշում հայտնել 2008 թվականի Մարտի 1-ի իրադարձությունների համար Քոչարյանին և մյուսներին նոր մեղադրանք ներկայացնելու հարցի վերաբերյալ:

Հիշեցնենք՝ այն բանից հետո, երբ Սահմանադրական դատարանը հակասահմանադրական է ճանաչել Ռոբերտ Քոչարյանին, ՀԱՊԿ նախկին գլխավոր քարտուղար Յուրի Խաչատուրովին, Պաշտպանության նախկին նախարար Սեյրան Օհանյանին և նախկին փոխվարչապետ Արմեն Գևորգյանին վերագրված 300.1 հոդվածը, դատարանը մեղադրյալների նկատմամբ հետապնդումը դադարեցրել է և գործն այս մասով կարճել:

Սակայն 2024-ի սեպտեմբերին Վճռաբեկ դատարանը բեկանել է կարճման որոշումն ու գործն ուղարկել առաջին ատյանի ղատարան՝ նոր քննության: Գործի նոր քննությունն այժմ Հակակոռուպցիոն դատարանում է: Հանրային մեղադրողները դատարան էր ներկայացրել Քոչարյանին և մյուսներին հակասահմանադրական ճանաչված 300.1 հոդվածի փոխարեն մեկ այլ՝ պաշտոնատար անձի կողմից իշխանական կամ ծառայողական լիազորությունները չարաշահելու կամ անցնելու հոդվածով մեղադրանք ներկայացնել:

Այսօրվա դատական նիստի ընթացքում Արմեն Գևորգյանի փաստաբան Լուսինե Սահակյանը նշեց, որ հանրային մեղադրողն, ըստ էության ցանկանում է նոր մեղադրանք ներկայացնել Գևորգյանին և մյուսներին մինչդեռ Գևորգյանը Ազգային ժողովի պատգամավոր է, և նրա նկատմամբ քրեական հետապնդում հարուցելու համար նախ պետք էր հաղթահարել նրա անձեռնմխելիությունը, այսինքն՝ Ազգային ժողովից թույլտվություն ստանալ: Գևորգյանը ԵԽԽՎ-ի հայաստանյան պատվիրակության անդամ է: Սահակյանը դատարանին ներկայացրեց նաև ԵԽԽՎ նախագահի նամակը, որում վերջինս ևս արձանագրել է, որ պետք է մեղադրանք ներկայացնելուց առաջ հաղթահարել Գևորգյանի անձեռնմխելիությունը:

Արաքս Մամուլյան