09.06.2026 | 13:26
Իշխան Սաղաթելյանի ասուլիսը․ ՈՒՂԻՂ
Օգոստոսի 8-ից հետո էլ անցել եմ Ջերմուկով և տեսել օկուպացված տարածքներ, չկահավորված դիրքեր․ Մանուկյան․ ՏԵՍԱՆՅՈՒԹ
Քաղաքականություն
03.11.2025 | 10:44
Ազգային ժողովի մշտական հանձնաժողովների համատեղ նիստում ընթանում է «2026 թ. պետական բյուջեի մասին» օրենքի նախագծի նախնական քննարկումը:
Ֆինանսների նախարար Վահե Հովհաննիսյանը հայտնել է, որ 2026-ին Ներքին գործերի նախարարության համար նախատեսվել է 102,6 միլիարդ դրամ, որը նախորդ տարվա հաստատված բյուջեից պակաս է 2,3 միլիարդ դրամով։
ԱԺ պատգամավոր Գեղամ Մանուկյանը հետաքրքրվել է՝ ինչու ֆինանսների նախարարը չի հայտնել, որ ՊՆ-ի բյուջեի կրճատումից բացի կրճատվում է նաև ՆԳՆ-ինը։
Հովհաննիսյանը նշել է՝ պաշտպանության նախարարության ծախսերի կրճատման մասին խոսել է միջազգային ռեյտինգային կազմակերպությունների կողմից օգոստոսի 8-ից հետո հնչած կամ հայտարարած ձևակերպումների կնոտեքստում:
«Ես մեկնաբանություն էի տալիս միջազգային ռեյտինգային կազմակերպությունների կողմից արված հայտարարություններին այն մասին, որ իրենք համարում էին՝ երկարաժամկետ կամ միջնաժամկետ առումով վաշինգտոնյան համաձայնագրերի կնքումը դրական ազդեցություն է ունենալու Հայաստանի Հանրապետության ֆիսկալ կայունության վրա՝ հաշվի առնելով այն, որ խաղաղության պայմաններում Հայաստանը ստիպված չի լինելու մեծ գումարներ ուղղել պաշտպանության ոլորտին: Իմ արձագանքը դրան այն էր, որ 2026 թվականից արդեն իսկ որոշ նվազումներ են նախատեսվում այդ ուղղությամբ մեր ծախսերում»,- ասել է նա։
Ի պատասխան Մանուկյանն ընդգծել է, որ ինչքան էլ օգոստոսի 8-ի մասին խոսեն, միևնույն է, ուրբաթ օրը Գորիսի տարածաշրջանում է եղել, նույն առաջանագիծն է, նույն մարտական հերթապահությունը՝ միշտ կահավորման անհրաժեշտություն ունեցող։
«Էնպես չի, որ օգոստոսի 8-ից հետո այդ դիրքերը չկան։ Միջազգային կազմակերպությունները չգիտեմ՝ ինչ են հաշվարկում, բայց անցնում ես Ջերմուկով, տեսնում ես օկուպացված տարածքներ»,-նշել է Մանուկյանը։
Մանրամասները՝ տեսանյութում։
Եվգենյա Համբարձումյան
