30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Ժամը 18։30-ի դրությամբ կա 30 տուժած․ նոր մանրամասներ՝ Հաղարծին վանական համալիրի մոտակայքում շրջված ավտոբուսի վերաբերյալ
Հասարակություն
02.11.2025 | 19:25
Հաղարծին վանական համալիրի մոտակայքում շրջված ավտոբուսը հոսանքազրկվել է, տեղի ուժերի հետ համատեղ փրկարարները տուժածներին օգնել են մոտենալ շտապօգնության ավտոմեքենաներին։ Այս մասին հայտնում են Փրկարար ծառայությունից։
Բացի այդ, ժամը 18։30-ի դրությամբ կա 30 տուժած՝ նախկին 18-ի փոխարեն։
Ինչպես ավելի վաղ հայտնել են առողջապահության նախարարությունից, դեպքի հետևանքով մի շարք ուսանողներ տարբեր աստիճանի մարմնական վնասվածքներ են ստացել։ Տուժածները տեղափոխվել են Տավուշի մարզային բժշկական կենտրոն, որտեղ նրանք անցնում են անհրաժեշտ հետազոտություններ և ստանում համապատասխան բուժօգնություն։ Մեկ ուսանողի առողջական վիճակը գնահատվում է ծանր, մյուսներինը՝ միջին ծանրության։ Անհրաժեշտության դեպքում կկազմակերպվի նրանց տեղափոխումը երևանյան բուժհաստատություններ։
Վալերի Բրյուսովի անվան պետական համալսարանը տեղեկացրել է, որ ուսանողները Դիլիջան էին մեկնել գիտաճանաչողական այցով, որը կազմակերպվել էր համալսարանի ուսանողական խորհրդի կողմից։
