30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Հայաստանը կարևորում է ՅՈՒՆԵՍԿՕ-ի փորձագիտական ներուժի արդյունավետ կիրարկումը բնապահպանաան մարտահրավերների լուծման գործում. ՀՀ ԱԳ փոխնախարար
Քաղաքականություն
01.11.2025 | 18:20
Հոկտեմբերի 31-ին Սամարղանդում՝ ՅՈՒՆԵՍԿՕ-ի գլխավոր կոնֆերանսի 43-րդ նստաշրջանի շրջանակներում, ՀՀ ԱԳ նախարարի տեղակալ Ռոբերտ Աբիսողոմոնյանը ՅՈՒՆԵՍԿՕ-ի գլխավոր տնօրենի՝ մշակութային հարցերով տեղակալ Էռնեստո Օտտոնեի և բնական գիտությունների հարցերով տեղակալ Լիդյա Բրիտոյի հետ հանդիպմանն ընդգծել է փախստականների ոչ նյութական մշակութային ժառանգության և մշակութային իրավունքների պաշտպանության գործում ՅՈՒՆԵՍԿՕ-ի փորձագիտական ներգրավվածության և կենսական ծրագրերի անխափան իրականացման կարևորությունը: Այս մասին տեղեկացնում են ՀՀ ԱԳՆ-ից։
«Զրուցակիցները բարձր են գնահատել Հայաստանի և ՅՈՒՆԵՍԿՕ-ի միջև ձևավորված սերտ և բազմաբովանդակ համագործակցությունը, այդ թվում՝ ճգնաժամային իրավիճակներում մշակութային ժառանգության պաշտպանությանը և դրանում նորարարական տեխնոլոգիաների ներդրմանն առնչվող հարցերում:
ՀՀ ԱԳ նախարարի տեղակալն ընդգծել է փախստականների ոչ նյութական մշակութային ժառանգության և մշակութային իրավունքների պաշտպանության գործում ՅՈՒՆԵՍԿՕ-ի փորձագիտական ներգրավվածության և կենսական ծրագրերի անխափան իրականացման կարևորությունը:
Ռոբերտ Աբիսողոմոնյանն իր զրուցակիցներին է ներկայացրել Հայաստանի տեսալականը 2026թ․ Հայաստանում կայանալիք Կենսաբանական բազմազանության մասին կոնվենցիայի կողմերի 17-րդ համաժողովի անցկացման առնչությամբ: Ընդգծվել է ներառական COP17-ի անցկացման, այդ թվում՝ կենսաբազմազանությանն առնչվող հարցերում կանանց, երիտասարդների, գիտական շրջանակի, հասարակական կազմակերպությունների և այլ շահագրգիռ կողմերի ձայները լսելի դարձնելու կարևորությունը:
ԱԳ նախարարի տեղակալը նշել է, որ Հայաստանը կարևորում է ՅՈՒՆԵՍԿՕ-ի փորձագիտական ներուժի արդյունավետ կիրարկումը բնապահպանաան մարտահրավերների լուծման, կենսաբազմազանության պահպանման, էկոհամակարգերի կառավարման և կարողությունների զարգացման գործում»,- ասված է հաղորդագրությունում:
