28.10.2026 | 20:43
Ռուսաստանը Գերմանիայից 79 միլիոն եվրոյի պրոթեզներ է գնել․ սա հինգ անգամ ավելի է, քան պատերազմից առաջ
Ծանրորդ Մերի Միսակյանը՝ երիտասարդների Եվրոպայի առաջնության բրոնզե մեդալակիր
01.11.2025 | 17:57
Հայաստանը ներկայացնող ծանրորդները շարունակում են պայքարը Ալբանիայում ընթացող Եվրոպայի երիտասարդների և մինչև 23 տարեկանների առաջնություններում
Երիտասարդների մրցաշարում պայքարի մեջ են մտել 69 կգ քաշային կանայք:
Ծանրամարտի ֆեդերացիայից տեղեկացնում են, որ Հայաստանից Մերի Միսակյանը պոկում վարժությունում բարձրացրել է 88 կգ ու 92 կգ: Այս ձևում նա 4-րդն է: Հրում վարժությունում Միսակյանը գլխավերևում պահել է 114 կգ, 118 կգ: Այս վարժությունում Միսակյանը դարձել է արծաթե մեդալակիր:
Երկամարտի 210 կգ արդյունքով Մերի Միսակյանը երիտասարդների Եվրոպայի առաջնությունում երրորդն է:
Հիշեցնենք՝ Նարեկ Մկրտչյանը երկամարտի 338 կգ արդյունքով (150+188 կգ) դարձել էր արծաթե մեդալակիր: Մարտին Պողոսյանը դարձել էր հրում վարժության բրոնզե մեդալակիր՝ 182 կգ արդյունքով:
Տիգրան Կարապետյանը դարձել էր Եվրոպայի երիտասարդների չեմպիոն, Նարեկ Գրիգորյանը՝ փոխչեմպիոն, Գոռ Սահակյանը՝ բրոնզե մեդալակիր։
Հիշեցնենք՝ կանանց հավաքականի անդամ, Եվրոպայի չեմպիոն, աշխարհի առաջնության բրոնզե մեդալակիր, 58 կգ քաշային Ալեքսանդրա Գրիգորյանը Եվրոպայի երիտասարդների առաջնությունում երկամարտի 214 կգ արդյունքով (91+123 կգ) դարձել էր ոսկե մեդալակիր:
60 կգ քաշային Գառնիկ Չոլակյանը չեմպիոնի կոչմանն արժանացել էր երկամարտի 267 կգ (120+147 կգ) արդյունքով: Առանձին վարժություններում ևս Չոլակյանը ոսկե մեդալներ է նվաճել: Պոկում վարժությունում նա գլխավերևում պահել է նախ 115, ապա 120 կգ կշռող ծանրաձողերը:
Այս քաշային կարգում Հայաստանի մյուս ներկայացուցիչ Սեյրան Խուդանյանը պոկում վարժությունում գլխավերևում պահել էր 115 կգ կշռող ծանրաձողն ու արծաթե մեդալ նվաճել:
