19.10.2026 | 22:50
Սևանա լճի մակարդակը մեկ շաբաթում նվազել է 2 սմ-ով․ նախորդ տարվա նույն օրվա համեմատ 22 սմ-ով բարձր է
Քննարկվել են հայ-բելգիական հարաբերությունների զարգացմանը վերաբերող հարցեր
Քաղաքականություն
29.10.2018 | 17:09
ՀՀ ԱԺ Հայաստան-Բելգիա բարեկամական խմբի ղեկավար Տաճատ Վարդապետյանը, խմբի անդամներ Հովիկ Աղազարյանը եւ Արմեն Ռուստամյանը հոկտեմբերի 29-ին հանդիպել են Բելգիայի Ներկայացուցիչների պալատի անդամ Ժան-Ժակ Ֆլաոյի գլխավորած պատվիրակության հետ:
Քննարկվել են հայ-բելգիական հարաբերությունների զարգացմանը եւ երկու ժողովուրդների բարեկամության ամրապնդմանը վերաբերող հարցեր: Անդրադարձ է կատարվել առաջիկա արտահերթ խորհրդարանական ընտրություններին, կարեւորվել արդար ու թափանցիկ ընտրությունների անցկացումը: Այս համատեքստում հայ խորհրդարանականներն ընդգծել են, որ Հայաստանն ընթանում է ժողովրդավարության զարգացման ուղիով, որի վկայությունը մեր երկրում տեղի ունեցած անցնցում իշխանափոխության գործընթացն է:
Ժան-Ժակ Ֆլաոն եւս կարեւորել է հայ-բելգիական բարեկամական կապերի ընդլայնումը: Հայաստանն աշխարհին ճանաչելի դարձնելու հարցում նա ընդգծել է զբոսաշրջության զարգացումը՝ նշելով, որ Հայաստանն այդ առումով ունի առավելություն՝ Եվրոպան հայ ժողովրդին ճանաչում է Սփյուռքի միջոցով:
Հանդիպմանը ներկա է եղել նաեւ ՀՅԴ Եվրոպայի Հայ դատի հանձնախմբի ղեկավար Գասպար Կարապետյանը
