11.09.2026 | 22:15
Նոր կենսաչափական անձնագրերով սահմանային ստուգումը կտևի վայրկյաններ․ ՆԳ նախարար
Ինտենսիվ շինաշխատանք ենք տանելու Իսակովի պողոտան Արշակունյացին միացնելու ուղղությամբ․ Ավինյան․ ՏԵՍԱՆՅՈՒԹ
Տնտեսություն
31.10.2025 | 15:10
«Հաջորդ տարեսկզբին ինտենսիվ շինաշխատանք ենք տանելու՝ Իսակովը Արշակունյաց ճանապարհին միացնելու ուղղությամբ»,- այս մասին ԱԺ մշտական հանձնաժողովների համատեղ նիստում ասաց Երևանի քաղաքապետ Տիգրան Ավինյանը։
«Գյուրջյանի ճանապարհի նախագիծը վերջնականացման փուլում է, հաջորդիվ Նոր Նորքից Նորք Մարաշով իջնելու ենք ուղիղ՝ հասնելու ենք Մյասնիկյան պողոտա։ Հաջորդ փուլով էստակադայի խնդիրը պետք է լուծենք՝ գազանանոցի հատվածից ավելի ներքև՝ Սարալանջի կամուրջ չհասած»,- բյուջեի քննարկման ժամանակ ասաց քաղաքապետը։
Անդրադառնալով բյուջետային հարցերին՝ Տիգրան Ավինյանն ընդգծեց, որ Երևանի քաղաքապետարանի սեփական եկամուտները եռապատկվել են։
Նրա փոխանցմամբ՝ եթե 2023 թվականին Երեւանի քաղաքապետարանն ուներ 30 մլրդ դրամից մի փոքր ավելի սեփական եկամուտներ, ապա 2025 թվականին արդեն սեփական եկամուտների մակարդակը հասել է մոտ 92 մլրդ դրամի:
Քաղաքապետը նաև նշեց, որ սեփական եկամուտների աճին զուգահեռ նվազել են պետական բյուջեից հատկացվող գումարները:
Մանրամասները՝ տեսանյութում։
Մանյա Պողոսյան
