30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Ինչ փոփոխություններ են կատարվել Արցախից տեղահանված ընտանիքների բնակարանային ապահովման ծրագրում․ ՏԵՍԱՆՅՈՒԹ
Հասարակություն
31.10.2025 | 12:34
Նոր փոփոխություններ են կատարվել Լեռնային Ղարաբաղից բռնի տեղահանված ընտանիքների բնակարանային ապահովման պետական աջակցության ծրագրում։ Աշխատանքի և սոցիալական հարցերի նախարարության կառուցվածքային ստորաբաժանումների առանձին գործառույթներ համակարգող խորհրդական Գայանե Ղարագյոզյանը ներկայացրել է դրանք։
Այսպիսով, ծրագրի շահառու միավորի կազմում պարտադիր լինելու պայմանը չի տարածվի ընտանիքի այն անդամների վրա, ովքեր դատարանի վճռի հիման վրա ճանաչված են անհայտ բացակայող։ Սա հնարավորություն կտա ծրագրի հիմնական պայմաններին բավարարող ընտանիքի մյուս անդամներին օգտվել ծրագրից։
Բացի այդ՝
-շահառու ընտանիքների այն անդամները, ովքեր 2023 թվականի սեպտեմբերի 19-ի դրությամբ եղել են անչափահաս, սակայն դիմում-հայտարարությունը լրացնելու ժամանակ լրացել է նրանց 18 տարին, ցանկության դեպքում, հնարավորություն կունենան ստանալ հավաստագիր որպես առանձին ընտանիք։ Տվյալ դեպքում ընտանիքի միավորի կազմում պարտադիր լինելու պայմանը չի տարածվի այդ անձի վրա։
-միջգերատեսչական հանձնաժողովին դիմած ընտանիքների կողմից ներկայացվող փաստաթղթերի նվազագույն քանակը կսահմանվի 1 (ներկայում սահմանված 2-ի փոխարեն), եթե խոսքը վերաբերվում է 2022 թվականի դեկտեմբերի 12-ից հետո մինչև տեղահանումն ընկած ժամանակահատվածին։
«Բազմաթիվ ընտանիքներ, ովքեր մերժվել էին նախկինում տեղահանվածի կարգավիճակ չունենալու հիմքով, հանձնաժողովը, ուսումնասիրելով ներկայացված փաստաթղթերը, նրանց կշնորհի բնակարանային ապահովման պետական աջակցության ծրագրի շահառուի կարգավիճակ»,-նշեց Ղարագյոզյանը։
Մանրամասները՝ տեսանյութում։
Եվգենյա Համբարձումյան
