02.10.2026 | 23:03
Թրամփը խորհրդակցել է Grok նեյրոցանցի հետ, թե ինչպես վենեսուելացիները կվերաբերվեն Մադուրոյի տապալմանը․ Time
Որտե՞ղ են նախընտրում բնակություն հաստատել տեղահանված արցախցիները․ նախարարությունից պարզաբանում են․ ՏԵՍԱՆՅՈՒԹ
Հասարակություն
31.10.2025 | 13:11
Բնակարանային ապահովման պետական աջակցության ծրագրով Լեռնային Ղարաբաղից բռնի տեղահանված 3250 ընտանիքներ հավաստագրեր են ստացել, որից 2954-ը դրանք ստացել են անշարժ գույքի ձեռբերման բաղադրիչով, 102-ը՝ անհատական բնակելի տան կառուցման բաղադրիչով, իսկ 191-ը՝ գործող հիփոթեքային վարկի մարման աջակցության բաղադրիչով։ Այս մասին հայտնել է աշխատանքի և սոցիալական հարցերի նախարարության կառուցվածքային ստորաբաժանումների առանձին գործառույթներ համակարգող խորհրդական Գայանե Ղարագյոզյանը։
3250 ընտանիքներից 1220-ն արդեն իրացրել են իրենց հավաստագրերը։ Նա հայտնել է նաև, թե որտեղ են նախընտրում բնակություն հաստատել տեղահանված արցախցիները։ Առաջատարը Կոտայքի մարզն է, որտեղ 270 ընտանիք հավաստագիր է իրացրել, 236-ը Երևանում է իրացրել, 199-ը՝ Արմավիրում, 129-ը՝ Լոռիում, 121-ը՝ Արարատում, 70-ը՝ Սյունիքում, 59-ը՝ Շիրակում, 52-ը՝ Գեղարքունիքում։
«Տավուշը (35), Արագածոտն (29) ու Վայոց ձորը (20) համեմատաբար ավելի պասիվ են»,-նշել է Ղարագյոզյանը։
Մանրամասները՝ տեսանյութում։
Եվգենյա Համբարձումյան
