01.11.2026 | 10:44
Արտարժույթների փոխարժեքները՝ նոյեմբերի 1-ի դրությամբ
Սումիում ռուսական հարձակման հետևանքով 11 մարդ է վիրավորվել
Քաղաքականություն
31.10.2025 | 13:43
ՌԴ զորքերը հոկտեմբերի լույս 31-ի գիշերն անօդաչու թռչող սարքերով հարձակում են իրականացրել Սումիի մարզի վրա, հայտնել է մարզի ռազմական վարչակազմի ղեկավար Օլեգ Գրիգորովը։ Նրա խոսքով՝ միայն մեկ ժամվա ընթացքում Սումի քաղաքի վրա արձակվել է 10 անօդաչու թռչող սարք, գրում է Meduza-ն։
Ըստ Գրիգորովի՝ հարվածներն ուղղված են եղել քաղաքացիական ենթակառուցվածքներին։ Անօդաչու թռչող սարքերը նաև հարվածել են ինը հարկանի բնակելի շենքի, ինչի հետևանքով հրդեհ է բռնկվել։ Շենքի վերին հարկերում գտնվող հինգ բնակարան և յոթ պատշգամբ հրդեհվել է, պարզաբանել է Ուկրաինայի արտակարգ իրավիճակների պետական ծառայությունը։
Փրկարարների տվյալներով՝ Սումիում գիշերը տեղի ունեցած հարձակման հետևանքով վիրավորվել է 11 մարդ, այդ թվում՝ չորս երեխա։
Ռուսական զորքերը նաև հարձակվել են Սումիի և Խարկովի մարզերի երկաթուղային ենթակառուցվածքների վրա, հաղորդում է «Ուկրզալիզնիցիան»։
Սումիում հարված է հասցվել ուղևորային դեպոյին, որի հետևանքով վնասվել և ոչնչացվել են օժանդակ շինություններն ու շարժակազմը։
Թարգմանությունը՝ Էմմա Չոբանյանի
