01.07.2026 | 08:52
ԱԱ-2026. Մեքսիկան 1/8 եզրափակիչում է. ՏԵՍԱՆՅՈՒԹ
ԱՄՆ-ը և Չինաստանը մեկ տարով դադարեցնում են փոխադարձ նավահանգստային վճարները
Քաղաքականություն
31.10.2025 | 11:13
Պեկինը հայտարարել է, որ Միացյալ Նահանգները և Չինաստանը համաձայնել են մեկ տարով դադարեցնել միմյանց նավերի համար փոխադարձ նավագնացության մաքսատուրքերը, գրում է Bloomberg-ը։
Վաշինգտոնը հոկտեմբերի 14-ին սկսել էր հատուկ վճարներ գանձել ամերիկյան նավահանգիստներ մտնող Չինաստանի հետ կապված նավերից՝ ԱՄՆ առևտրային ներկայացուցչի գրասենյակի կողմից Չինաստանի ծովային և նավաշինական գերիշխանության վերաբերյալ ավելի լայնածավալ հետաքննության ֆոնին։
Չինաստանի առևտրի նախարարության տվյալներով՝ ԱՄՆ-ը հայտարարել է, որ մեկ տարով կդադարեցնի այդ հետաքննությունից բխող միջոցառումները։ Պեկինն իր հերթին մեկ տարով կդադարեցնի ԱՄՆ-ի դեմ իր հակազդեցության միջոցառումները։
Չինաստանի մեկնաբանությունները հնչել են ԱՄՆ առևտրի ներկայացուցիչ Ջեյմիսոն Գրիրի այն հայտարարությունից ընդամենը մի քանի ժամ անց, որ ԱՄՆ-ի ուշադրությունը դեռևս մեծապես կենտրոնացած է ամերիկյան նավաշինության վերակենդանացման վրա։
Միջազգային նավագնացությունը խաթարվել է՝ ԱՄՆ-ի և Չինաստանի կողմից վերջին ամիսներին միմյանց նավերի վրա սահմանված պատասխան նավահանգստային վճարների պատճառով, ինչը բարձրացրել է բեռնափոխադրման ծախսերը։
Վաշինգտոնը դիմել է դաշնակիցներ Ճապոնիային և Հարավային Կորեային՝ իր արդյունաբերությունը վերակենդանացնելու համար օգնություն ստանալու նպատակով։ Այս շաբաթ համապատասխան համաձայնագրեր են ստորագրվել։
Իր հերթին, Պեկինն այս ամսվա սկզբին պատժամիջոցներ էր կիրառել հարավկորեական խոշոր նավաշինարանի ամերիկյան ստորաբաժանումների նկատմամբ։
Հիշեցնենք, որ ԱՄՆ նախագահ Դոնալդ Թրամփը Չինաստանի ղեկավար Սի Ցզինպինի հետ հանդիպումոց հետո հայտարարել էր, որ Վաշինգտոնն անմիջապես կնվազեցնի բոլոր չինական ապրանքների համար մաքսատուրքերը՝ ֆենտանիլի բաղադրիչների՝ ԱՄՆ արտահանումը դադարեցնելու միջոցառումների դիմաց։
Թարգմանությունը՝ Էմմա Չոբանյանի
