09.06.2026 | 11:02
Վահագն Ալեքսանյանի ճեպազրույցը՝ ՈՒՂԻՂ
Թրամփը Սի Ցզինպինի հետ հանդիպումը գնահատել է «10-ից 12»
Քաղաքականություն
30.10.2025 | 12:30
ԱՄՆ նախագահ Դոնալդ Թրամփը և Չինաստանի նախագահ Սի Ցզինպինը երկկողմ հանդիպում են ունեցել Հարավային Կորեայի Բուսան քաղաքում։ Թրամփի պաշտոնավարման երկրորդ ժամկետի մեկնարկից ի վեր սա նրանց առաջին հանդիպումն է։ Բանակցություններից հետո իր նախնական մեկնաբանություններում ամերիկացի նախագահը հանդիպումն անվանել է «հիանալի», գրում է BBC-ի ռուսական ծառայությունը։
Հանդիպումը տևել է մեկ ժամ 40 րոպե՝ ավելի երկար, քան ԱՄՆ նախագահի աշխատանքային ժամանակացույցով հատկացվել էր դրա համար։ Արդյունքների մասին Թրամփը ինքնաթիռում լրագրողներին է պատմել։ Սի Ցզինպինը դեռևս չի խոսել։
«Հրաշալի հանդիպում էր։ Նա մեծ առաջնորդ է»,- ասել է Թրամփը։
Նա հավելել է, որ 1-ից 10 բալային սանդղակով, որտեղ 10-ը ամենաբարձրն է, հանդիպումը 12 կգնահատեր։
Թրամփը նշել է, որ ԱՄՆ-ն անմիջապես կնվազեցնի բոլոր չինական ապրանքների համար մաքսատուրքերը՝ ֆենտանիլի բաղադրիչների՝ ԱՄՆ արտահանումը դադարեցնելու միջոցառումների դիմաց։
«Ես մաքսատուրքը նվազեցրել եմ 10%-ով, ուստի այն ուժի մեջ է մտնում անմիջապես․ 10%՝ 20%-ի փոխարեն»,- ասել է ԱՄՆ նախագահը, հավելելով, որ կարծում է՝ Սի Ցզինպինը «շատ կաշխատի» ֆենտանիլի առաքումները դադարեցնելու համար։
Բացի այդ, ըստ Թրամփի, Չինաստանը կվերսկսի ամերիկյան սոյայի ներմուծումը և կդադարի խոչընդոտներ ստեղծել հազվագյուտ մետաղների արտահանման համար։
«Հազվագյուտ մետաղների հարցն այժմ կարգավորվել է, և դա վերաբերում է ամբողջ աշխարհին։ Սա գլոբալ իրավիճակ է, ոչ միայն ամերիկյան։ Չինաստանի կողմից խոչընդոտ այլևս չկա»,- ասել է Թրամփը։
ԱՄՆ նախագահը նաև հայտարարել է, որ հաջորդ տարի ապրիլին անձամբ կայցելի Չինաստան։
Թարգմանությունը՝ Էմմա Չոբանյանի
