21.01.2026 | 22:59
Ալիևի որդին SOCAR-ում պաշտոն է ստացել
Միջոցառում՝ նվիրված Ա. Իսահակյանի տուն-թանգարանի հիմնադրման 60 և Ա. Իսահակյանի ծննդյան 143-ամյակներին
Մշակույթ
29.10.2018 | 15:41
Ս. թ. հոկտեմբերի 30-ին` ժամը 15:30-ին, Ա. Իսահակյանի տուն-թանգարանում (Երևան, Զարոբյան 20) տեղի կունենա թանգարանի հիմնադրման 60 և մեծանուն բանաստեղծ Ավետիք Իսահակյանի ծննդյան 143-ամյակներին նվիրված հանդիսավոր միջոցառում, որին ներկա կլինեն գրականության և մշակույթի անվանի մտավորականներ:
Միջոցառման առաջին բաժնում նախատեսված է նաև թանգարանի հրատարակած` «Իսահակյանական մասունքներ» գրքի շնորհանդեսը: Գրքում ամփոփված են թանգարանում պահվող իսահակյանական մասունքները, որոնք ունեն շատ հետաքրքիր պատմություններ, և հենց այդ իրերն էլ կարծես խոսում և պատմում են մեծ գրողի մասին: Գիրքը նվիրված է թանգարանի հիմնադրման 60-ամյակին:
Միջոցառումը կշարունակվի համերգային ծրագրով: Կհնչեն Տիգրան Մանսուրյանի` Ավետիք Իսահակյանի խոսքերով գրված վոկալ ստեղծագործությունները: Համերգին ներկա կլինի նաև անվանի և սիրված կոմպոզիտոր Տիգրան Մանսուրյանը: Մաեստրոն երգերի այդ շարքը նվիրում է իր սիրելի բանաստեղծին:
