27.10.2026 | 00:08
Վարդան Մինասյանն աշխատանքի է անցել Լիբանանում
Ալեքսանդր Կոչուբաևը չի ներկայացել «Սրբազան պայքար» շարժման գործով նիստին, բայց դիմում է ուղարկել դատարան
Հասարակություն
30.10.2025 | 17:04
«Սրբազան պայքար» շարժման գործով այսօրվա դատական նիստին մեղադրյալ Արմեն Ալեքսանյանի պաշտպան Ալեքսանդր Կոչուբաևը չի ներկայացել: Նա դիմում է գրել դատարան այն մասին, որ թեև իր խափանման միջոց կալանքը փոխվել է ազատազրկման հետ չկապված խափանման միջոցով՝ իր աշխատանքային համակարգիչն, ինչպես նաև ծառայողական մեքենան առգրավված են, ուստի՝ չի կարող ներկայանալ դատարան և պաշտպանություն իրականացնել:
Կոչուբաևը նաև դատարանին հայտնել էր, որ միջոցներ է ձեռնարկել, որպեսզի դրանք վերադարձվեն:
Նշենք, որ այս գործով մեղադրյալ Արմեն Ալեքսանյանի շահերը պաշտպանող Ալեքսանդր Կոչուբաևի նկատմամբ քրեական հետապնդում է հարուցվել ֆեյսբուքյան գրառման համար: Նա կալանավորվել է, ապա օրեր առաջ խափանման միջոցը փոխվել է բացակայելու արգելքով: Այսօրվա նիստը Կոչուբաևի բացակայության պատճառով չհետաձգվեց, քանի որ պաշտպաններից Արայիկ Ներսիսյանը պատրաստակամություն հայտնեց այս նիստի ընթացքում ստանձնել Ալեքսանյանի պաշտպանությունը:
Արաքս Մամուլյան
