12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
Իրավիճակը բարդ է, բայց շրջափակում չկա․ Սիրսկին՝ Պոկրովսկում իրավիճակի մասին
Քաղաքականություն
30.10.2025 | 18:17
Ուկրաինայի զինված ուժերի գլխավոր հրամանատար Ալեքսանդր Սիրսկին այցելել է Պոկրովսկի և Միրնոգրադի շրջաններ, որոնք ներկայում ռուսական հարձակողական արշավի հիմնական թիրախներն են։ Սիրսկին ընդունել է տարածքում ստեղծված դժվարին իրավիճակը, փոխանցում է BBC-ի ռուսական ծառայությունը։
«Իրավիճակը բարդ է, բայց ռուսական քարոզչության պնդումները Պոկրովսկում, ինչպես նաև Կուպյանսկում Ուկրաինայի պաշտպանության ուժերի ենթադրյալ «շրջափակման» մասին չեն համապատասխանում իրականությանը»,- հայտարարել է նա։
Ուկրաինական բանակի հրամանատարի խոսքով՝ Պոկրովսկում ռուսական հետևակային ուժերը, «խուսափելով մարտական բախումներից, կուտակվում են քաղաքային տարածքում և փոխում են իրենց դիրքերը, ուստի հիմնական նպատակը նրանց նույնականացնելն ու ոչնչացնելն է»։
«Մենք աշխատում ենք Պոկրովսկի հատվածում պաշտպանական դիմադրողականության ամրապնդման ուղղությամբ։ Այստեղ կարևոր են ստորաբաժանումների միջև բարձրորակ փոխգործակցությունը, նրանց անհրաժեշտ ամեն ինչով ապահովումը, այդ թվում՝ լրացուցիչ կարիքները բավարարելու համար, և հանձնարարված խնդիրների ճշգրիտ ու համակարգված կատարումը։ Յուրաքանչյուր հրամանատար, անկախ մակարդակից, պետք է ապահովի առաջադրանքների բարձրորակ կատարումը։ Ես խստորեն զգուշացրել եմ հրամանատարներին անպատասխանատվության մասին։ Դրա համար ես կձեռնարկեմ խիստ միջոցներ, այդ թվում՝ աշխատանքից հեռացում»,- հավելել է Ուկրաինայի զինված ուժերի գլխավոր հրամանատարը։
Ավելի վաղ հաղորդվել էր, որ Ռուսաստանը ճեղքել է Ուկրաինայի պաշտպանությունը ռազմավարական կարևորության Պոկրովսկ քաղաքում։
Թարգմանությունը՝ Էմմա Չոբանյանի
