31.10.2026 | 19:51
Քննարկվել են ՀՀ և բրազիլական ինքնաթիռաշինական համաշխարային ընկերության միջև համագործակցության հնարավոր հեռանկարները
Ադրբեջանի և Սերբիայի հրետանավորները համատեղ մարտավարական զորավարժություններ են անցկացրել
Քաղաքականություն
28.10.2025 | 21:55
Ադրբեջանի և Սերբիայի պաշտպանության նախարարությունների միջև ստորագրված երկկողմ ռազմական համագործակցության պլանի համաձայն՝ անցկացվել են համատեղ մարտավարական զորավարժություններ՝ երկու երկրների հրետանավորների մասնակցությամբ։
Ադրբեջանի ՊՆ-ն հաղորդում է, որ Սերբիայում անցկացվող մարտավարական զորավարժությունների ժամանակ հրետանային ստորաբաժանումները մարտական կրակ են բացել ինքնագնաց հաուբիցների և համազարկային կրակի ռեակտիվ համակարգերի միջոցով։ Նշվում է, որ NORA B-52 հրետանային կայանքներից վարժանքների ընթացքում թիրախները ոչնչացվել են հրետանային կրակով, և զինծառայողները հաջողությամբ կատարել են իրենց առջև դրված խնդիրները։
Զորավարժությունը կենտրոնացած է եղել փորձի փոխանակման, հրամանատարական կազմի գիտելիքների և հմտությունների բարձրացման, անձնակազմի դաշտային և գործնական հմտությունների կատարելագործման, ինչպես նաև մարտական գործողությունների ընթացքում ստորաբաժանումների գործողությունների պլանավորման վրա։
Հավելենք, որ ըստ տեղեկությունների՝ Սերբիան Ադրբեջանի հետ պայմանագիր է կնքել 45 միավոր 155 մմ-ոց Nora-B52 հաուբիցների մատակարարման վերաբերյալ։
Թարգմանությունը՝ Էմմա Չոբանյանի
