01.07.2026 | 19:59
Բաքվում ՆԱՏՕ-ի դասընթաց է անցկացվում
Կոչուբաևը քիչ անց ազատ կարձակվի
Հասարակություն
28.10.2025 | 15:32
«Ալեքսանդր Կոչուբաևի խափանման միջոց կալանքը փոփոխվեց բացակայելու արգելքով։ Ալեքսանդր Կոչուբաևը քիչ անց ազատ կարձակվի կալանքից և շուտով կգտնվի կնոջ կողքին»,- այս մասին հայտնել է փաստաբան Էրիկ Ալեքսանյանը՝ շնորհակալություն հայտնելով ՀՀ գլխավոր դատախազ տիկին Աննա Վարդապետյանին մարդասիրական բարձր մոտեցում ցուցաբերելու համար։
Ավելի վաղ հայտնել էինք, որ փաստաբան Էրիկ Կարապետյանը գործընկերոջ՝ կալանքի տակ գտնվող Ալեքսանդր Կոչուբաևի խափանման միջոց կալանքը վերացնելու խնդրանքով բաց նամակ է հղել ՀՀ գլխավոր դատախազ Աննա Վարդապետյանին` հաշվի առնելով նրա կնոջ առողջական վիճակը։
Ավելի ուշ Գլխավոր դատախազի խորհրդական Լուսինե Մարտիրոսյանը մանրամասներ հայտնեց միջնորդության քննությունից. «Դատախազը, քննարկելով քրեական վարույթով մեղադրյալ Ալեքսանդր Կոչուբաևի պաշտպան Էրիկ Ալեքսանյանի կողմից ՀՀ գլխավոր դատախազ Աննա Վարդապետյանին ուղղված՝ Ա. Կոչուբաևի խափանման միջոցը փոփոխելու վերաբերյալ միջնորդությունը, ինչպես նաև հիմք ընդունելով միջնորդությանը կից Ա. Կոչուբաևի կնոջ վերաբերյալ ներկայացված բժշկական փաստաթղթերը, որոշել է Ա. Կոչուբաևի նկատմամբ կիրառված խափանման միջոցը փոփոխել և նրա նկատմամբ որպես խափանման միջոց ընտրել բացակայելու արգելքը»։
