19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
2026-ից բոլոր քաղաքացիները անկանխիկ առևտրից 2 տոկոս հետվճար կստանան․ Նիկոլ Փաշինյան
Տնտեսություն
27.10.2025 | 12:40
Հաջորդ տարվանից Հայաստանում ներդրվելու է համընդհանուր հետվճարի համակարգ, բոլոր քաղաքացիներն անկանխիկ առևտրի դեպքում 2 տոկոս հետվճար են ստանալու։ 2026-ի պետական բյուջեի նախնական քննարկման ժամանակ այս մասին հայտարարեց վարչապետ Նիկոլ Փաշինյանը։
Նրա խոսքով՝ թոշակառուների անկանխիկ ծախսերի հետվերադարձի համակարգը զարգանալու է և 2026-ին հասնելու է 20 տոկոսի՝ ներկայիս 12 տոկոսի փոխարեն։
«Սա, ըստ էության, թոշակի բարձրացում է, բայց նաև հանրային համերաշխության տրամաբանության մեջ մենք փնտրում ենք և մեխանիզմ ենք ստեղծում, որ այդ թվում թոշակառուները թոշակի ներդրում ունենան հենց իրենց եկամուտները ապահովելու գործում, արգահատելի ոչ մի բան չկա դրա մեջ»,- ասաց Փաշինյանը։
2024-ի սեպտեմբերի 1-ից կենսաթոշակի և նպաստի հետվճարի ծրագրից օգտվող քաղաքացիներին հնարավորություն էր տրվել ապրանքների և (կամ) ծառայությունների ձեռքբերման դիմաց անկանխիկ վճարումներից ստանալ ավելի մեծ չափով հետվճար։
Անկանխիկ վճարումների դեպքում հետվճարի չափը սահմանվել էր 12 %` նախկին 10%-ի փոխարեն, իսկ հետվճարի առավելագույն չափը՝ 6000 դրամ՝ նախկին 5000 դրամի փոխարեն։
