14.12.2025 | 11:03
Փաշինյանը պատարագի է մասնակցում Այգեշատի Սուրբ Գևորգ եկեղեցում․ ՈՒՂԻՂ
Հայաստանի շախմատի վետերանների հավաքականը՝ աշխարհի առաջնության արծաթե մեդալակիր
02.05.2017 | 18:02
Կրետե կղզում այսօր ավարտվել է շախմատի վետերանների աշխարհի թիմային առաջնությունը: Հայաստանի տղամարդկանց հավաքականը (50-ից բարձր տարիքային խումբ) եզրափակիչ տուրում հաղթել է Ավստրիային 2.5:1.5 հաշվով և արծաթե մեդալ նվաճել: Այս մասին հայտնում է ՀԱՕԿ-ի պաշտոնական կայքը:
Իներորդ տուրում հաղթական միավորը վաստակել է Արտաշես Մինասյանը: Ռաֆայել Վահանյանը, Կարեն Մովսիսյանն ու Սերգեյ Գալդունցը ոչ-ոքի են խաղացել: Մեր ընտրանին 15 միավորով (26 անհատական) 22 թիմերի պայքարում զբաղեցրել է երկրորդ տեղը:
Սանկտ Պետերբուրգի վետերանների հավաքականը 18 միավորով նվաճել է չեմպիոնի կոչումը: Իսկ բրոնզը բաժին է հասել Անգլիայի առաջին թիմին (14 միավոր):
Հիշեցնենք՝ 2016 թվականին Գերմանիայում անցկացված վետերանների աշխարհի թիմային առաջնությունում Հայաստանի հավաքականը կրկին զբաղեցրել էր երկրորդ տեղը:
