08.06.2026 | 11:41
426 մլրդ դրամով բարձր ՀՆԱ. տնտեսական աճը գերազանցել է բյուջեի կանխատեսումները. Հովհաննիսյան․ ՏԵՍԱՆՅՈՒԹ
Ինդոնեզիայում Boeing է կործանվել. օդանավում 189 մարդ է եղել
Քաղաքականություն
29.10.2018 | 11:08
Ինդոնեզիայում ավիաաղետ է տեղի ունեցել. մայրաքաղաք Ջակարտայից ներքին չվերթ իրականացնող օդանավը Ճավա կղզու մոտակայքում ծովն է ընկել:
BBC-ի փոխանցմամբ՝ օդանավում 189 մարդ է եղել, այդ թվում՝ անձնակազմի անդամներ:
Ջակարտա-Պանկալպինանգ չվերթն իրականացնող Lion Air ավիաընկերության Boeing 737-ը ռադարների էկրաններից անհետացել է թռիչքից 13 րոպե անց: Հաղորդվում է, որ օդանավի հրամանատարը Ջակարտայի օդանավակայան վերադառնալու թույլտվություն է խնդրել:
Որոնողական աշխատանքների արդյունքում օդանավի բեկորներ և ուղևորների իրեր են գտել: Ուղևորների և անձնակազմի անդամների ճակատագրի մասին առայժմ պաշտոնապես ոչինչ չի հաղորդվում:
Հայտնի է նաև, որ օդանավում Ինդոնեզիայի ֆինանսների նախարարության առնվազն 20 պաշտոնյա է եղել:
