04.06.2026 | 21:44
Հայաստանը 5500 վարդ է արտահանել Լատվիա. ԵՄ-ն խոստանում է աջակցել հայկական արտադրանքի մուտքին եվրոպական շուկա
Վենետիկի հանձնաժողովն արձանագրել է՝ հավաքների կազմակերպման, նյութական շահագրգռվածության ձևակերպումն իրավաչափ չէ․ Մինասյան․ ՏԵՍԱՆՅՈԻԹ
Հասարակություն
24.10.2025 | 13:51
Վենետիկի հանձնաժողովն արձանագրել է՝ ՀՀ քրեական օրենսգրքի 236-րդ հոդվածի 2-րդ մասի ձևակերպումն իրավաչափ չէ: Հաստատվել է, որ հավաքների կազմակերպման, անցկացման, նյութական շահագրգռվածության վերաբերյալ առկա ձևակերպումը չի կարող լինել իրավաչափ։ Այս մասին հրավիրված մամուլի ասուլիսում հայտարարել է ԱԺ «Հայաստան» խմբակցության պատգամավոր Արծվիկ Մինասյանը։
Նա հավելել է, որ իրավական որոշակիության տեսանկյունից այն անհստակության բարձր աստիճանով օգտագործվել է քաղաքական իշխանությունների կողմից՝ իրավապահ մարմիններին պատվեր իջեցնելու համար։ Ըստ Մինասյանի՝ դրանով անցնում են ինչպես ՀՅԴ-ն, այնպես էլ ձևավորվող շարժումները և անհատները։
Մինասյանի խոսքով՝ բազմաթիվ են դեպքերը, երբ իրավապահ մարմիններն անտեսել են մարդու հիմնարար իրավունքներն ու ազատությունները, հավաքների ացնկացման վերաբերյալ կարգավորումները սխալ են կիրառվել, մարդկանց անազատության մեջ են պահել։
«Բազմաթիվ դեպքերում կալանքներ են եղել, ունենք նաև դատական ակտ։ Ըստ էության, հակասահմանադրական, միջազգային իրավունքին հակասող այս դրույթը կիրառվել է Ավետիք Չալաբյանի նկատմամբ, իշխանությունների կողմից ասպատակումների են ենթարկվել ՀՅԴ Եղեգնաձորի, Վայքի, Արմավիրի, Արարատի գրասենյակները, կուսակցականներ, ներառյալ՝ ԳՄ անդամներ, ենթարկվել են անհամաչափ սահմանափակումների»,- ընդգծեց Մինասյանը։
Մանրամասները՝ տեսանյութում։
Եվգենյա Համբարձումյան
