31.10.2026 | 22:55
Հայտնաբերվել է զինծառայողի դի. ՊՆ
Լավրովի և Ռուբիոյի՝ այս շաբաթ նախատեսված հանդիպումը հետաձգվել է. CNN
Քաղաքականություն
21.10.2025 | 10:39
ԱՄՆ պետքարտուղար Մարկո Ռուբիոյի և ՌԴ արտաքին գործերի նախարար Սերգեյ Լավրովի՝ այս շաբաթ նախատեսված հանդիպումը հետաձգվել է: Այս մասին հայտնում է CNN-ը՝ վկայակոչելով իր աղբյուրներին, գրում է BBC-ի ռուսական ծառայությունը։
Դեռևս պարզ չէ, թե ինչու հանդիպումը տեղի չի ունենա այս շաբաթ, սակայն աղբյուրներից մեկը CNN-ին հայտնել է, որ Ռուբիոն և Լավրովը, որոնք երկուշաբթի հեռախոսազրույց էին ունեցել, տարբեր սպասումներ ունեն Ուկրաինայում պատերազմի ավարտի վերաբերյալ: Նաև պարզ չէ, թե ինչպես դա կազդի Պուտին-Թրամփ գագաթնաժողովի ժամանակացույցի վրա, սակայն CNN-ը հաղորդում է, որ Ռուբիոն և Լավրովը կարող են ևս մեկ հեռախոսազրույց ունենալ այս շաբաթ։
Ռուբիոն և Լավրովը պետք է բանակցություններ անցկացնեին ԱՄՆ նախագահ Դոնալդ Թրամփի և Ռուսաստանի նախագահ Վլադիմիր Պուտինի՝ Բուդապեշտում կայանալիք գագաթնաժողովից առաջ։
Հիմա, ըստ CNN-ի, «նախագահ Դոնալդ Թրամփի՝ Ռուսաստանի նախագահ Վլադիմիր Պուտինի հետ արագ հանդիպման հույսերը կարող են վտանգի տակ լինել»։
Reuters գործակալությունն իր հերթին հայտնել էր, որ Լավրովի ու Ռուբիոյի հանդիումը նախատեսված է եղել հոկտեմբերի 23-ին։
Դոնալդ Թրամփը հոկտեմբերի 16-ին հեռախոսազրույց էր ունեցել Վլադիմիր Պուտինի հետ, որի արդյունքներով հայտարարել էր Բուդապեշտում իրենց հանդիպման մասին «երկու շաբաթվա ընթացքում»։ Պուտինի օգնական Յուրի Ուշակովն էլ հայտնել էր, որ նախագահական գագաթնաժողովի նախապատրաստական աշխատանքները պետք է սկսվեն Ռուբիոյի և Լավրովի միջև հեռախոսազրույցով։
Թարգմանությունը՝ Էմմա Չոբանյանի
