31.10.2026 | 22:55
Հայտնաբերվել է զինծառայողի դի. ՊՆ
Լավրովը հեռախոսազրույց է ունեցել ԱՄՆ պետքարտուղարի հետ
Քաղաքականություն
20.10.2025 | 19:31
ՌԴ արտաքին գործերի նախարար Սերգեյ Լավրովն ու ԱՄՆ պետքարտուղար Մարկո Ռուբիոն քննարկել են հոկտեմբերի 16-ին Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի միջև կայացած հեռախոսազրույցի ընթացքում ձեռք բերված պայմանավորվածությունների իրականացման հնարավոր կոնկրետ քայլերը: Այս մասին ասվում է Ռուսաստանի արտաքին գործերի նախարարության՝ Լավրովի և Ռուբիոյի հեռախոսազրույցի արդյունքների վերաբերյալ հաղորդագրությունում, փոխանցում է ՏԱՍՍ-ը։
Թրամփը և Պուտինը հեռախոսազրույց էին ունեցել անցյալ շաբաթ՝ Ուկրաինայի նախագահ Վլադիմիր Զելենսկիի՝ Վաշինգտոն այցից կարճ ժամանակ առաջ։
Սպիտակ տան ղեկավարը հույս էր հայտնել, որ Պուտինի հետ իր հանդիպումը կօգնի դադարեցնել պատերազմը Ուկրաինայում։
Ռուսաստանի և ԱՄՆ-ի ղեկավարները համաձայնել են դեմ առ դեմ հանդիպում անցկացնել Բուդապեշտում, իսկ դրանից առաջ կազմակերպել Ռուբիոյի և Լավրովի միջև դեմ առ դեմ բանակցություններ։
Թարգմանությունը՝ Էմմա Չոբանյանի
