16.11.2024 | 13:33
Վրաստանի ԿԸՀ նախագահի վրա սև հեղուկ են լցրել․ ամփոփվել են խորհրդարանական ընտրությունների արդյունքները
Սոչիում հորդառատ անձրևների պատճառով խուճապ է. մարդիկ արագորեն դատարկում են մթերային խանութները. ԼՈՒՍԱՆԿԱՐՆԵՐ
Քաղաքականություն
26.10.2018 | 17:48
Սոչիում խուճապային տրամադրություն է. քաղաքացիներն արագորեն դատարկում են մթերային խանութները: Այսօր երեկոյան Սոչի կժամանի 50 տոննա մթերքով բեռնված շոգենավ: Ինտերֆաքսին այս մասին հայտնել է քաղաքապետարանի սպառողական շուկայի և ծառայությունների վարչության ղեկավար Անդրեյ Նիկոնչուկը:
Նա քաղաքացիներին կոչ է արել չանհանգստանալ պարենային անվտանգության համար. «Բոլոր խանութներն ապահովված են սննդամթերքով: Ոչ մի խնդիր չկա»: Քաղաքապետարանը նաև հերքել է խմելու ջրի հետ կապված խնդիրների մասին տեղեկությունները:
Նշենք, որ իրարանցման պատճառը ՌԴ Կրասնոդարի երկրամասում տեղացած հորդառատ անձրևներն են: Հեղեղումների հետևանքով երկրամասի մի շարք բնակավայրերում արտակարգ իրավիճակ է ստեղծվել:
Հեղեղումների հետևանքով երկրամասում առնվազն 6 մարդ է զոհվել, 13 մարդ հոսպիտալացվել է:
Սոչիի, Տուապսեի և Ապշերոնի տարածքում փոթորկի նախազգուշացումն ու արտակարգ իրավիճակի ռեժիմը պահպանվում են: Օդերևութաբանները հոկտեմբերի 26-ի երեկոյան և լույս 27-ի գիշերը կրկին հորդառատ անձրևներ են կանխատեսում:
