04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
Կառավարությունը դեռ պետք է որոշում կայացնի Մանվել Գրիգորյանի նվիրաբերած տարածքն ընդունելու մասին
26.10.2018 | 16:33
Civilnet.am-ը գրում է, որ իրենց տրամադրության տակ հայտնված տեղեկության համաձայն, կալանավորված գեներալ Մանվել Գրիգորյանը դիմել է կառավարությանը՝ Հայաստանի Հանրապետությանը նվիրաբերելու Ակնալիճ համայնքում իրեն պատկանող «Ակնալճի կուղբաբուծական տնտեսություն» ընկերության շուրջ 330 հեկտար տարածքը։ Այն ընդգրկում է 5445 քմ մակերեսով շենք-շինություններ։ Մանվել Գրիգորյանի կողմից պետությանը նվիրաբերվող տարածքի շուկայական արժեքը գնահատվում է 5.84 մլրդ դրամ՝ ավելի քան 10.5 մլն դոլար։
Տնտեսական զարգացման և ներդրումների նախարարության պետական գույքի կառավարման կոմիտեի նախագահ Նարեկ Բաբայանը Factor.am-ին ասաց, որ գործարքը դեռևս ընթացքի մեջ է․ «Կառավարությունը դեռ պետք է այդ առաջարկն ընդունելու որոշում կայացնի, որից հետո արդեն կմեկնարկի կադաստրային գործընթաց։ Դեռևս հանձնում-ընդունում պետք է կատարվի»։
Հիշեցնենք, որ Մանվել Գրիգորյանը մեղադրվում է Քրեական օրենսգրքի 235-րդ հոդվածի 2-րդ մասով՝ ապօրինի կերպով ռազմամթերք ձեռք բերելու և այլ անձանց հետ նախնական համաձայնությամբ պահելու համար, ինչպես նաև ՀՀ քրեական օրենսգրքի 179-րդ հոդվածի 3-րդ մասի 1-ին կետով՝ մի խումբ անձանց հետ նախնական համաձայնությամբ յուրացման եղանակով իր վստահությանը հանձնված առանձնապես խոշոր չափերով ուրիշի գույք հափշտակելու համար:
