16.02.2026 | 17:53
Նավալնիի հիշատակի միջոցառումներ են տեղի ունենում ամբողջ աշխարհում. Ռուսաստանում ձերբակալվածներ կան
Նախարարը հանդիպել է սամբոյի միջազգային ֆեդերացիայի ներկայացուցիչների հետ
26.10.2018 | 16:26
ՀՀ սպորտի և երիտասարդության հարցերի նախարար Գաբրիել Ղազարյանն այսօր հանդիպել է սամբոյի միջազգային ֆեդերացիայի ներկայացուցիչների հետ:
Հանդիպման ընթացքում ներկաներն անդրադարձել են Հայաստանի Հանրապետությունում սամբոյի զարգացման ուղղությամբ տարվող աշխատանքներին ու իրականացվող ծրագրերին: Մասնավորապես, քննարկվել է մեր երկրում սամբոյի միջազգային մրցաշարերի, այդ թվում նաև՝ աշխարհի և Եվրոպայի առաջնությունների անցկացման հնարավորության հարցը:
Հանդիպման ընթացքում անդրադարձ է եղել նաև անկողնուն գամված հայ սամբիստ Կոլյա Կարապետյանի առողջության վերականգման ընթացքին սամբոյի միջազգային ֆեդերացիայի կողմից հնարավոր աջակցությանը: Հիշեցնենք, որ 2017 թվականին Մինսկում կայացած սամբոյի Եվրոպայի առաջնությունից հետո կոմայի մեջ հայտնված Կոլյա Կարապետյանը ներկայումս գիտակից վիճակում է, սակայն չի կարողանում շարժվել և խոսել:
