02.07.2026 | 20:23
Ջրամատակարարման ժամանակացույցի փոփոխության մասին պնդումները չեն համապատասխանում իրականությանը. Ջրային կոմիտեն պարզաբանում է
ԱՄՆ-ն ասում է՝ եկեք վերջ տանք Ադրբեջանի միջոցով Հայաստանին ճնշելու ռուսական քաղաքականությանը. Լևոն Շիրինյանը՝ Բոլթոնի այցի մասին
Քաղաքականություն
26.10.2018 | 15:22
ԱՄՆ-ն հետսովետական շրջանում առաջին անգամ հայտարարում է, որ Հարավային Կովկասը միայն ռուսական ազդեցության գոտի չէ: Այս մասին այսօր հոկտեմբերի 26-ին, լրագրողների հետ հանդիպմանն ասաց Հայաստանի քրիստոնեա-դեմոկրատական շարժման ղեկավար, քաղաքագետ Լևոն Շիրինյանը՝ անդրադառնալով ԱՄՆ նախագահի՝ ազգային անվտանգության հարցերով խորհրդական Ջոն Բոլթոնի Հայաստան այցին:
Բոլթոնի այցը քաղաքագետը «շատ հետաքրքիր» է գնահատում, նրա հայտարարություններից կարևորելով նաև զենքի մատակարարմանը վերաբերող հատվածը: «Փաստորեն, Միացյալ Նահանգներն ասում է՝ եկեք ձեզ օգնենք, որպեսզի Ադրբեջանի միջոցով Հայաստանին ճնշելու ռուսական քաղաքականությանը վերջ տանք: Սա բացառիկ բան է: Այսինքն՝ Հայաստանը դուրս բերենք ռուսական քաղաքականության շրջագծից, որը միշտ Ադրբեջանը դիտել է առաջին պետություն Հայաստանի վրա ճնշելու համար»,- հայտարարեց Շիրինյանը:
Նրա պնդմամբ՝ Ռուսաստանն Անդրկովկաս մտնելու առաջին օրվանից թաթարներին դիտել է հայ քաղաքակիրթ ժողովրդին կրնկի տակ պահելու համար: «Մի բան կա, որից ես միշտ վախեցել են. Հայաստանում չպետք է թույլ տալ 5-րդ շարասյան գործունեությունը՝ իրենց մամուլով և իրենց ազդեցությամբ»,- հավելեց քաղաքագետը:
