14.08.2026 | 00:08
Կոնֆերենցիաների լիգա. «Նոան» պարտվեց «Սյոնին» ու դուրս մնաց պայքարից. ՏԵՍԱՆՅՈՒԹ
Գաղտնալսման գործով ովքեր են հրավիրվելու քննիչ հանձնաժողովի նիստերին. Կոստանյանը մանրամասներ է հայտնում
Հասարակություն
26.10.2018 | 15:11
ԱԱԾ և ՀՔԾ պետերի գաղտնալսման գործով ստեղծված ԱԺ քննիչ հանձնաժողովի նիստերը հնարավոր է անցկացվեն ամենօրյա ռեժիմով: Այս մասին այսօր խորհրդարանում լրագրողների հետ զրույցում հայտարարեց հանձնաժողովի նախագահ Գևորգ Կոստանյանը:
«Ես կարծում եմ, որ մենք այնուամենայնիվ պետք է շատ ինտենսիվ գործընթաց իրականացնենք, որովհետև այդ գործընթացի արդյունքը բոլորիս է պետք՝ անկախ քաղաքական զարգացումներից կամ հետևանքներից»,- ասաց Կոստանյանը:
Ըստ նրա՝ ամենօրյա ռեժիմով աշխատելու պարագայում կկարողանան հնարավորինս արագ ձեռք բերել այն տեղեկություններն ու տվյալները, որոնք հնարավորություն կտան ճիշտ հետևություններ անել:
Հարցին՝ ովքե՞ր են լինելու այն պաշտոնյաները, որոնք առաջինն են հրավիրվելու հանձնաժողովի նիստերին, Կոստանյանը պատասխանեց. «Կա անձանց շրջանակ, որոնք ենթակա են հրավիրման, բայց յուրաքանչյուր անձի հրավիրման անհրաժեշտությունն ու հաջորդականությունը բխում է մեկի տրված տեղեկություններից»:
Մանրամասները՝ տեսանյութում:
