06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
ՀՀ ԱԳ փոխնախարարը Գանայի իր գործընկերոջն է ներկայացրել Հարավային Կովկասում տարածաշրջանային վերջին զարգացումները
Քաղաքականություն
15.10.2025 | 22:22
Հոկտեմբերի 15-ին Կամպալայում Չմիավորման շարժման նախարարական հանդիպման շրջանակներում ՀՀ ԱԳ նախարարի տեղակալ Ռոբերտ Աբիսողոմոնյանը հանդիպել է Գանայի ԱԳ նախարարի տեղակալ Ջեյմս Գյակի Քիսոնի հետ: Այս մասին տեղեկացնում են ՀՀ ԱԳՆ-ից։
«Հանդիպմանը մտքեր են փոխանակվել Հայաստան-Գանա հարաբերություններում առկա ներուժի լիարժեք իրացմանն ուղղված քայլերի շուրջ: Անդրադարձ է կատարվել բազմակողմ ձևաչափերում և միջազգային կազմակերպությունների շրջանակներում փոխգործակցության ընդլայնման հնարավորություններին:
Զրուցակիցները քննարկել են տարածաշրջանային և միջազգային օրակարգի երկուստեք հետաքրքրություն ներկայացնող մի շարք հարցեր: ՀՀ ԱԳ նախարարի տեղակալն իր գործընկերոջն է ներկայացրել Հարավային Կովկասում տարածաշրջանային վերջին զարգացումները:
Անդրադարձ է կատարվել նաև 2026թ. Երևանում կայանալիք Կենսաբանական բազմազանության մասին ՄԱԿ-ի կոնվենցիայի կողմերի 17-րդ համաժողովին ընդառաջ իրականացվող աշխատանքներին և ՀՀ կառավարության տեսլականին»,- ասված է հաղորդագրությունում:
