17.12.2025 | 14:55
Մենք հաշվի ենք առնում ադրբեջանական և հայկական կողմերի շահերը. Կոբախիձե
Ինչո՞ւ է Ռոբերտ Նազարյանի հանձնաժողովը նախկինում գազի սակագնի մեջ ներառված կորուստների չափը նվազեցնելու փոխարեն բարձրացրել․ Քննիչ հանձնաժողովը կպարզի․ՏԵՍԱՆՅՈՒԹ
Տնտեսություն
26.10.2018 | 13:21
Գազի սակագնի մեջ ներառված կորուստների չափը, որը 5,37 տոկոս էր կազմում դեռևս 2002 թվականից, Հանրային ծառայությունները կարգավորող հանձնաժողովը վերջին տարիներին բարձրացրել է և կորուստների տեսակարար կշիռը սակագնի մեջ դարձրել 6,37 տոկոս, ինչն անհասկանալի է։
Այս մասին այսօր ՀՀ գազի և էլեկտրաէներգիայի մատակարարման և բաշխման համակարգերի գործունեությունը, գազի և էլեկտրաէներգիայի գործող սակագների հիմնավորվածությունը ուսումնասիրելու նպատակով ստեղծված քննիչ հանձնաժողովի նիստի ժամանակ ասաց հանձնաժողովի նախագահ Միքայել Մելքումյանը։
«Ստեղծված է քննիչ հանձնաժողով, պետք է հրավիրենք և քննենք այդ փաստաթղթերը՝ հասկանալու համար, թե ինչո՞ւ ներդրումներ չեն կատարվել կորուստների չափը նվազեցնելու համար»,- ասաց նա։
Հանձնաժողովի նախագահը նշեց, որ 1 տոկոս կորուստը հավասար է 20 մլն խմ գազի, իսկ եթե դա բազմապատկում ենք գազի սակագնով, պարզ է դառնում, թե ի՞նչ գումարի մասին է խոսքը։
Միքայել Մելքումյանը հանձնաժողովի մասնակիցներին խորհուրդ տվեց հանգամանալից ուսումնասիրել Հայաստանի և Ռուսաստանի միջև ստորագրված գազի պայմանագիրը՝ սակագնի նվազեցման վերաբերյալ ռուսական կողմի հետ փաստարկված խոսելու համար։
Մանրամասները՝ տեսանյութում։
