19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Ռոբերտ Քոչարյանն առաջարկում է օգոստոսի 8-ի փաստաթուղթը ոչ թե չեղարկվի, այլ՝ ավելացվեն ՀՀ-ին նպաստավոր կետեր․ Աննա Գրիգորյան. ՏԵՍԱՆՅՈՒԹ
Քաղաքականություն
13.10.2025 | 20:00
ՀՀ ԱԺ «Հայաստան» խմբակցության պատգամավոր Աննա Գրիգորյանը Factor TV-ի հետ հարցազրույցում հերքել է այն լուրերը, թե ինքը մտադիր է միանալ Սամվել Կարապետյանի «Մեր ձևով» ընդդիմադիր շարժմանը․ «Իմ կողմից Սամվել Կարապետյանի թիմին միանալու քննարկում չկա, ենթադրում եմ՝ որտեղից են այդ շշուկները, երբ ես ելույթ եմ ունեցել ի պաշտպանություն նրա հավաքի ժամանակ»։
Աննա Գրիգորյանը չի հերքում, որ Ռոբերտ Քոչարյանի և Սամվել Կարապետյանի ուժի ընտրազանգվածը կարող է համընկնել․ «Մեր և Սամվել Կարապետյանի ուժի ընտրողների բազան կարող է համընկնել․ նորմալ է, եթե որոշակի ընտրազանգված գնա այդ ուղղությամբ։ Մեր շահից է բխում, որ առողջ ընդդիմադիր ուժերը շատ ձայներ ստանան, և իշխանության տապալման գործընթացով հնարավոր է մեկտեղում լինի»։
Աննա Գրիգորյանը, սակայն, պնդում է, որ «Ընդդիմադիր դաշտում ամենաբարձրը Ռոբերտ Քոչարյանի վարկանիշն է, իսկ «Մեր ձևովը» դեռ քաղաքական ուժ դառնալու հարց ունի, դեռևս պետք է վարչապետի թեկնածուին ներկայացնի և այլն»։ Միաժամանակ, Աննա Գրիգորյանն ընդունեց, որ իրենց ուժի համակիրների մի մաս հիասթափություն ունի և կարող է 2026-ին իրենց ձայն չտալ՝ իշխանափոխությունը գլուխ չբերելու պատճառով․ «Այո՛, ընդունում եմ՝ չի հաջողվել հեռացնել Փաշինյանի իշխանությանը, մեր ներուժը չի հերիքել, բացի այդ՝ եղել է աննախադեպ իշխանական ռեպրեսիա։ Բագրատ սրբազանը հզոր ալիք գեներացրեց՝ Փաշինյան 2018-ի ցույցերից շատ մարդ մասնակցեց, բայց իշխանությունը կոտրեց ալիքը»,- ասաց Աննա Գրիգորյանը։
Հարցազրույցն ամբողջությամբ՝ տեսանյութում։
Ռոբերտ Անանյան
