16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ռոբերտ Քոչարյանի պաշտպանը կդիմի Գլխավոր դատախազին
Հասարակություն
26.10.2018 | 10:54
Քննչական կոմիտեն մերժել է Ռոբերտ Քոչարյանի պաշտպան Հովհաննես Խուդոյանի ներկայացրած միջնորդությունը ԱԱԾ և ՀՔԾ ղեկավարների հեռախոսային խոսակցության ձայնագրության հրապարակման վերաբերյալ Ռ․Քոչարյանին տուժողի դատավարական կարգավիճակ տալու վերաբերյալ։
Տեղեկությունը Factor.am-ին փոխանցեց պաշտպան Խուդոյանը՝ նշելով, որ պատրաստվում են բողոքարկել այդ որոշումը։
Հարցին՝ ի՞նչ հիմնավորմամբ է Քննչական կոմիտեն մերժել միջնորդությունը, պաշտպանը պատասխանեց․ «Քննչական կոմիտեն միջնորդությունը մերժել է պատճառաբանելով, որ ձայնագրությունում դատարանի վրա ազդեցություն ունենալու մասին պարունակվող տվյալները պարզելու ուղղությամբ Քննչական կոմիտեն ձեռնարկել է համապատասխան քննչական գործողություններ, որոնց արդյունքում դատարանի գործունեությանը միջամտելու վերաբերյալ տվյալներ ձեռք չեն բերվել»:
Հովհաննես Խուդոյանը նաև հավելեց, որ Քննչական կոմիտեի որոշումը կբողոքարկեն ՀՀ Գլխավոր դատախազություն ամենասեղմ ժամկետներում:
«Եկող շաբաթ բողոքը կներկայացնենք դատախազին»,-ասաց պաշտպանը։
