19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
ԱՄՆ-ն պիտի ՀՀ-ում անվտանգային ներկայություն ունենա․ ՌԴ-ն կարող է փորձել բլից կրիգով վերցնել ճանապարհը, ռեգիոնը չի կարող կորցնել․ Լիլիթ Դալլաքյան․ ՏԵՍԱՆՅՈՒԹ
Քաղաքականություն
10.10.2025 | 20:00
Ռուս-ադրբեջանական լարվածությունը և «մեղրամիսը» միշտ են անդրադառնում ՀՀ-ի հետ հարաբերության վրա։ Ալիևի հետ հանդիպմանը Դուշանբեում Պուտինն ընդունեց, որ քաղաքացիական ինքնաթիռի աղետը տեղի է ունեցել նաև ռուսական հակաօդային պաշտպանության համակարգի մեղքով։ Նա կատարեց Ալիևի պահանջը՝ կրկնեց իր ներողությունը, խոստացավ պատժել մեղավորներին, տուժողներին փոխհատուցել։
Factor TV-ի հետ զրույցում «Միտք» վերլուծական-հետազոտական կենտրոնի ղեկավար, քաղաքագետ Լիլիթ Դալլաքյանն այսպես է մեկնաբանում իրավիճակը՝ այս զարգացումները կապելով նաև ՀՀ ներքաղաքական իրադրության հետ․ «Պուտինը սխալն ընդունեց՝ Ալիևի օգտին, Արևմուտքի սպառնալիքից հետո՝ նույն նավում են տեղավորվում։ Կրեմլին ձեռնտու է Ադրբեջանի հարձակումը ՀՀ-ի վրա, ներքաղաքական լարումը, որ հոշոտեք իրար, միայն թե երկրի զարգացումից չխոսեք։ Բայց ՌԴ-ն չի կարող լքել այս ռեգիոնը։ ԱՄՆ-ն պիտի ՀՀ-ում անվտանգային ներկայություն ունենա։ ՌԴ-ն կարող է փորձել բլից կրիգով վերցնել ճանապարհը, ռեգիոնը չի կարող կորցնել»,- ասաց Լիլիթ Դալլաքյանը։
Քաղաքագետը խոսել է նաև ՀՀ ներքաղաքական իրավիճակի, «Թրամփի ուղու» գործարկման հնարավորությունների, խորհրդարանական ընտրություններում հնարավոր մրցակցության, պրոռուսական ուժերի շանսերի, Պուտինի և ՌԴ-ի՝ ՀՀ ներքաղաքական կյանքին միջամտելու հավանականության, ներքաղաքական այլ թեմաների մասին։
Հարցազրույցն ամբողջությամբ՝ տեսանյութում։
Ռոբերտ Անանյան
