12.01.2026 | 20:37
Քննարկվել է Գիտության ոլորտի զարգացման 2026-2030 թվականների ռազմավարական ծրագրի նախագիծը
Անձը մաքսային հսկողությունից թաքցրել է 42 հզր տուփ ծխախոտ. վնասն ամբողջությամբ վերականգնվել է․ ՔԿ
Հասարակություն
10.10.2025 | 12:30
Քաղաքացին, մաքսային հսկողությունից թաքցնելով, ՀՀ է ներմուծել ավելի քան 42 հազար տուփ ծխախոտ, որի հետևանքով պետբյուջե չի վճարվել շուրջ 15 միլիոն դրամ ակցիզային հարկ․ հայտնում են ՀՀ ՔԿ-ից։
«ՀՀ քննչական կոմիտեի Սյունիքի մարզային քննչական վարչությունում քննվող քրեական վարույթի շրջանակներում իրականացված վարութային և ապացուցողական գործողությունների արդյունքում հիմնավորվել է, որ անձն իր կողմից շահագործվող՝ ցեմենտով բեռնված բեռնատար ավտոմեքենայով, մաքսային հսկողությունից թաքցնելով՝ այլ երկրից ՀՀ տարածք է ներմուծել ընդհանուր 42.400 տուփ ծխախոտ, որի հետևանքով չի հաշվարկվել և պետական բյուջե չի վճարվել 15 մլն 9 հզր 600 դրամ ակցիզային հարկ։
Վերջինիս նկատմամբ հարուցվել է հանրային քրեական հետապնդում՝ Քրեական օրենսգրքի 290-րդ հոդվածի 1-ին մասով (հարկերը, տուրքերը կամ այլ վճարներ չվճարելը)։
Քրեական վարույթի նախաքննության ընթացքում պետությանը պատճառված վնասն ամբողջությամբ վերականգնվել է։
Նախաքննությունը շարունակվում է»,- ասված է հաղորդագրությունում։
