Հասարակություն
25.10.2018 | 20:05
Եթե աշխատում եք բարձր տեխնոլոգիաների ոլորտում, ապա գիտեք, որ այն ամենաարագ զարգացողներից է ամբողջ աշխարհում: Դրան զուգահեռ՝ աճում է այդ ոլորտի մասնագետների պահանջարկը: Այս մասին ասվում է բրիտանական Enterprise Times պարբերականում հրապարակված հոդվածում, որում ներկայացվում է նաև այն քաղաքների տասնյակը, որտեղ բարձր տեխնոլոգիաների ոլորտում կարիերայի ամենամեծ հնարավորությունները կան: Ցանկում ներառվել է նաև Երևանը:
Enterprise Times-ի հոդվածում նման քաղաքների տասնյակն այսպիսին է:
1. Սան Ֆրանցիսկո – Silicon Valley
Այս քաղաքում են տեղեկայված ոլորտի 39 ընկերության գլխամասային գրասենյակներ, ինչպես նաև հազարավոր սթարթափերի գրասենյակներ:
2. Նյու Յորք – Silicon Alley
Քաղաք, որը երբեք չի քնում. ոչ միայն այն պատճառով, որ աշխարհի ֆինանսական կենտրոնն է, այլև վենչուրային կապիտալի ծաղկման վայր:
3. Օսթին – Silicon Hills Cisco, eBay, Facebook, Google, IBM, Indeed, Intel.
Այս ու առաջատար մի շարք այլ ընկերությունների գրասենյակները տեղակայված են ամերիկյան հենց այս քաղաքում:
4. Երևան – Silicon Mountains Կանխատեսումների համաձայն՝ 2025 թվականին Հայաստանում ծրագրավորողների պահանջարկը կեռապատկվի՝ հասնելով 30 հազարի: Տարեկան այստեղ բարձր տեխնոլոգիաների ոլորտում 20% աճ է արձանագրվում, և ոչ մի նշան չկա, որ այս ցուցանիշն անկում կունենա:
5. Սինգապուր – Asian city state tech hub
Եթե սթարթափ գործարկելու վայր եք փնտրում, ապա Սինգապուրը հրաշալի ընտրություն կլինի: Այն Ասիայի տեխնոլոգիական կենտրոններից է:
6. Մելբուրն – Australia’s Tech city
Այս քաղաքն ավստրալական տեխնոլոգիական կենտրոնն է, հրաշալի վայր՝ սթարթափների համար:
7. Լոնդոն – Silicon Roundabout
Մեծ Բրիտանիայի՝ ամենամեծ ու ամենաարագ զարգացող տեխնոլոգիական քաղաքն է:
8. Ստոքհոլմ – Growing North European Tech centre
Եթե ծրագրավորող եք և մտադիր եք փոխել ձեր բնակության վայրը, Ստոքհոլմը կարող է ձեր քաղաքը դառնալ: Միայն 2016 թվականին Հյուսիսային Եվրոպայի այս քաղաքում ոլորտի ընկերություններում ավելի քան 1.4 մլրդ դոլարի ներդրում է արվել:
9. Բանգալոր – Growing Asian Hub
Այստեղ ծրագրավորողների հսկայական բանակ կա: Բարձր տեխնոլոգիաների ոլորտի ընկերությունների թիվն այստեղ շարունակ ավելանում է, մասնագետների պահանջարկը՝ նույնպես:
10. Տորոնտո – Growing Tech scene
Կանադական այս քաղաքն աշխարհում լավագույններից է կին ձեռներեցների համար: Այն նաև կարևոր կենտրոն կարող է դառնալ արհեստական ինտելեկտի զարգացմամբ հետաքրքրված մասնագետների համար:
