11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Քննարկվել է ՀՀ-ի ու ՄԱԿ-ի մասնագիտացված գրասենյակների միջև համագործակցության ընթացքը
Քաղաքականություն
09.10.2025 | 22:29
Քուվեյթում ՀՀ դեսպան Արսեն Առաքելյանն այցելել է Քուվեյթի ՄԱԿ գրասենյակը։ Նա հանդիպումներ է ունեցել ՄԱԿ ԳՔ ներկայացուցիչ ու Քուվեյթի գրասենյակի մշտական համակարգող Ղադա էտ-Տահիր ալ-Մուդաուիի հետ, ինչպես նաև գրասենյակում տեղակայված ՄԱԿԶԳ (UNDP), ՄԱՓԳՀ (UNHCR) և ՄՄԿ (IOM) գրասենյակների ղեկավարների հետ։
Քուվեյթում ՀՀ դեսպանությունից տեղեկացնում են, որ հանդիպումների ընթացքում քննարկվել են ՀՀ-ի ու ՄԱԿ-ի համապատասխան մասնագիտացված գրասենյակների միջև դինամիկ կերպով զարգացող համագործակցության ընթացքը, առկա խնդիրները, ինչպես նաև ՄԱԿ-ի բարեփոխումների հետ առնչվող հարցերը, որոնց լուծումը պահանջում է բոլոր անդամ պետությունների գործուն մասնակցությունը։
«Գրասենյակի ընդհանուր ղեկավարը, ինչպես նաև ՄԱԿԶԳ գրասենյակի ղեկավար Էմմա Մորլին, ՄԱՓԳՀ ղեկավար Նիսրին Ռուբայանը և ՄՄԿ ղեկավար Մազեն Աբուլ Հոսնը ՀՀ դեսպանին պատմեցին իրենց գործուղած կառույցների ու Քուվեյթի միջև առկա համագործակցության ու տասնամյակների ընթացքում ձևավորված գործընկերության մասին, որն, ըստ միջազգային պաշտոնյաների, բնութագրվում է որպես ամուր ու հագեցած միջազգային հանրության առջև երկրի կողմից ստանձնած պարտավորությունների լիակատար գիտակցումով։
Ա․Առաքելյանը ՄԱԿ-ի մասնագիտակցված բոլոր կառույցներին առաջարկեց Քուվեյթում ՀՀ դեսպանության աջակցությունը՝ երկրում և տարածաշրջանային ու գլոբալ հարթություններում առկա խոչընդոտները բազմակողմանի ուսումնասիրման ու հնարավոր հաղթահարման գործում։ Նա նաև ներկայացրեց Քուվեյթում և Ծոցի երկրներում Հայաստանի Հանրապետության արտաքին քաղաքականության որոշ մանրամասները և դեսպանության կողմից իրագործվելիք որոշ ծրագրերը»,- ասված է հաղորդագրության մեջ։
